Osy maqsatta óńirlik komısıalar qurylady.
Bul týraly Úkimet basshysy Álıhan Smaıylov ishki naryqty janar-jaǵarmaımen qamtamasyz etý máselesin talqylaý barysynda aıtty, dep habarlaıdy Almaty-akshamy.kz.
Álıhan Smaıylov janarmaıdyń munaı óńdeý zaýyttarynan óńirlerdegi saqtaý oryndary men janarmaı quıý stansıalaryna deıingi ońtaıly logıstıkasyn qamtamasyz etýdi, egin egý jáne jınaý naýqany kezinde janar-jaǵarmaı tasymaldaý úshin temirjol tarıfterin tómendetý máselesin qaraýdy, sondaı-aq baǵanyń negizsiz ósýine jáne munaı ónimderiniń syrtqa tasymaldanýyna jol bermeý úshin munaı bazalary men usaq janarmaı quıý stansıalaryna baqylaý jasaý jónindegi óńirlik komısıalar qurýdy tapsyrdy.
Premer-Mınıstr óńirlerdi kómirmen qamtamasyz etý boıynsha jergilikti jerlerde bólshek saýda baǵasynyń negizsiz ósýine jol bermeý máselesin aldyn ala pysyqtaýdy jáne qatty otyndy shalǵaı aýdandarǵa josparly túrde jetkizý boıynsha shuǵyl sharalar qabyldaý keregin aıtty.