Qazaqstan jaz aılarynda janar-jaǵarmaı tapshylyǵyn boldyrmaý úshin Reseıden ımporttaýǵa májbúr bolýy múmkin. Buǵan sebep – 16 maýsym men 28 shilde aralyǵynda Pavlodar munaı-hımıa zaýytynyń (PMHZ) josparly jóndeý jumystaryna baılanysty óndiristi ýaqytsha toqtatýy, dep habarlaıdy aqshamnews.kz.
Reuters málimetinshe, PMHZ-nyń toqtaýyna oraı eldegi janar-jaǵarmaı óndirisi tómendeıdi:
Dızel otyny: maýsymda 16%-ǵa, shildede 31%-ǵa azaıady;
Avtokólik benzıni: maýsymda 16%-ǵa, shildede 20%-ǵa kemıdi;
Avıasıalyq kerosın: maýsymda 20%-ǵa, shildede 36%-ǵa azaıady.
Reseımen jasalǵan úkimetaralyq kelisim aıasynda janar-jaǵarmaıdy bajsyz ımporttaý múmkin bolǵanymen, onyń baǵasy Qazaqstan ishindegi baǵadan joǵary. Nátıjesinde, ımporttaýshy – «QazMunaıGaz» ulttyq kompanıasy – otyndy shyǵynmen satýǵa májbúr bolady. Buǵan uqsas jaǵdaı ótken jyldyń qazan aıynda Atyraý munaı óńdeý zaýyty uzaqqa sozylǵan jóndeýde bolǵan kezde de oryn alǵan.