Atalǵan joba Jahandyq ekologıalyq qordyń granttyq qarajaty esebinen qarjylandyrylady.
Bul joba úsh Kaspıı mańy elderi - Ázirbaıjan, Qazaqstan, Túrikmenstanda júzege asyrylady dep josparlanyp otyr, dep habarlaıdy aqshamnews.kz.
Jalpy búdjeti shamamen 12 mln AQSH dollaryn quraıdy. Joba 2025 jyldyń ekinshi jartysynda iske qosylady dep kútilýde.
Qazaqstan Respýblıkasynyń Ekologıa jáne tabıǵı resýrstar mınıstrligi, Dúnıejúzilik bank jáne BUU jobalardy basqarý basqarmasy (UNOPS) ókilderi arasynda «Kaspıı teńiziniń ekojúıesin qalpyna keltirý: lastanýdy basqarý jáne bıoártúrlilikti saqtaý áleýetin arttyrý» («Blueing the Caspian Sea: Building Capacities for Pollution Management and Biodiversity Conservation») jobasynyń ulttyq komponentterin bekitý boıynsha onlaın kezdesý ótti.
Kezdesýge Qazaqstan tarapynan Qazaqstan Respýblıkasy Aýyl sharýashylyǵy mınıstrligi Balyq sharýashylyǵy komıtetiniń, «Qazgıdromet» RMK jáne Halyqaralyq sý resýrstaryn baǵalaý ortalyǵynyń ókilderi qatysty.
Kezdesý barysynda qatysýshylar jobanyń ulttyq komponentterin, kórsetkishterin jáne kútiletin nátıjelerdi baǵalaý ádisterin egjeı-tegjeıli talqylady. Qazaqstan tarapy Kaspıı teńiziniń ekologıalyq jáne gıdrologıalyq monıtorıń júıelerin jetildirýdiń, Kaspıı mańy elderi arasyndaǵy ǵylymı-zertteý qyzmetin damytýdyń, sondaı-aq Kaspıı ıtbalyǵy popýlásıasyn saqtaý boıynsha birlesken jumystar júrgizýdiń mańyzdylyǵyn atap ótti.