Almaty-akshamy.kz saıtynda jaryq kórgen osy aptadaǵy jańalyqtarǵa sholý
Elimizde Alataý atty qala paıda bolady
Jetigen aýylynyń Alataý qalasy atanýy týraly jarlyqqa Prezıdent Qasym-Jomart Toqaev qol qoıdy.
Jarlyq mátininde Almaty oblysynyń İle aýdanynan Jetigen aýylyn bólý joly, onyń oblystyq mańyzy bar qala sanatyna jatqyzylýy, onyń ataýy Alataý qalasy bolyp ózgertilýi týraly aıtylǵan.
Ramazan aıy qashan bastalady?
Qazaqstan musylmandary dinı basqarmasy 2024 jylǵy dinı kúnder kestesin bekitti.
Sharıǵat jáne pátýa bólimi bekitken kúntizbege sáıkes, Ramazan aıy 11 naýryzda bastalady.
Múftıat dinı merekelerdiń naqty kúnderi jańa aıdyń kórinýine baılanysty kórsetilgen ýaqyttan bir kún shegerilýi nemese alǵa jyljýy múmkin ekenin eskertti.
«Eýrohattama» qalaı júzege asady?
Qosymshanyń artyqshylyǵy nede:
Birinshiden. Azamattar usaq jol-kólik oqıǵalaryn resimdeý úshin polısıany kútpeıdi, osylaısha joldardaǵy keptelis jaǵdaılary tómendeıdi.
Ekinshiden. Jeńildetilgen tártippen tirkelgen jol-kólik oqıǵasy kezinde júrgizýshiler ákimshilik jaýapkershilikke tartylmaıdy.
Úshinshiden. Saqtandyrý tólemderiniń merzimi qysqarady. Eger buryn osynyń bári 30-dan 90 kúnge deıin ýaqytty alsa, qazir hattama tirkeý sátinen bastap tólemdi alýǵa shamamen bes kún ketedi.
MÁMS-tiń quny qansha?
Bıyl jumys berýshiler qaramaǵyndaǵy qyzmetkerler úshin burynǵysha, jalaqynyń 3% mólsherinde aýdarym jasaıdy. Tólemniń shekti mólsheri 10 ETJ nemese 25 500 teńgeden aspaıdy. Jumys berýshi aýdarymdy óz qaltasynan tóleıdi. Al jumyskerler jalaqysynan 2% ustap, qorǵa aýdarady. Jarnanyń shekti mólsheri 10 ETJ nemese 17 000 teńgeden aspaýy tıis.
Saqtandyrý mártebesin myna jerden tekserýge bolady:
- Qoldau 24/7 mobıldi qosymshasy;
- fms.kz resmı saıty;
- Telegram-daǵy @SaqtandyrýBot;
- 1414 baılanys ortalyǵy;
- Damumed mobıldi qosymshasy;
- Halyk mobıldi qosymshasy;
- BCC.KZ mobıldi qosymshasy;
- Kaspi.kz mobıldi qosymshasy;
- egov.kz elektrondyq úkimet saıty.
Oń rúldi kólikter endi ákelinbeı me?
Indýstrıa jáne qurylys mınıstriniń 2023 jylǵy 29 jeltoqsandaǵy buıryǵymen Qazaqstanǵa 6 aı merzimge oń rúldi kólikterdi ákelýge tyıym salyndy.
Buıryq alǵashqy resmı jarıalanǵan kúninen keıin kúntizbelik on kún ótken soń, ıaǵnı 2024 jylǵy 16 qańtardan bastap qoldanysqa engiziledi.
Bıyl biz 117 kún demalamyz
Bul aptasyna 5 kún jumys isteıtin azamattarǵa qatysty.
2024 jylǵy memlekettik jáne ulttyq merekeler kúntizbesi jarıalandy.
«Araldyń tabanynan sý ketkenmen...»
Teńizdiń túbinde sekseýil otyrǵyzý úshin 753 myń gektar jerdiń topyraǵy zertteldi.
Memleket basshysy Aral teńiziniń qurǵaǵan tabanynda 2025 jylǵa deıin jalpy aýmaǵy 1,1 mln. ga jerge orman melıorasıalyq ekpeler egý mindetin qoıdy.
Aral teńiziniń tartylýy jahandyq problema ekenin eskere otyryp, mınıstrlik halyqaralyq uıymdarmen, onyń ishinde Halyqaralyq Araldy qutqarý qorymen (HAQQ), Dúnıejúzilik bankpen, Halyqaralyq yntymaqtastyq jónindegi German qoǵamymen (GIZ), AQSH-tyń halyqaralyq damý agenttigimen (USAID), Koreıa Orman qyzmetimen jáne basqa da halyqaralyq uıymdarmen yntymaqtasa jumys istep keledi.
Aty ózgergenmen, zaty ózgere me?
Jolaýshylardyń «QTJ-Júk tasymaly» jaýapkershiligi shekteýli seriktestigine aıtar shaǵymy kóp.
«Ashyq NQA» portalynda Kólik mınıstrliginiń birneshe temirjol stansasy men razezdiń ataýlaryn ózgertý týraly qaýly jobasy jarıalandy.
Kólik arzandaı ma?
QR Ulttyq Statısıka Búrosynyń málimetterine sáıkes, jeltoqsan aıynda avtokólikterdiń tutyný baǵasy qarashamen salystyrǵanda 2,5%-ǵa tómendedi.
2023 jyly jeńil avtokólikter óndirisi de, ımport ta aıtarlyqtaı ósti.
Zorlyq-zombylyqtyń jazasy qandaı?
Endi áıeline nemese bala-shaǵasyna qol kóterip, densaýlyǵyna jeńil zıan keltirgender ákimshilik emes, qylmystyq jaýapkershilikke tartylady. Ári sotqa otbasynyń shyrqyn buzatyn azamattardy turǵyn úıden ýaqytsha shyǵaryp, áleýmettik beıimdelý ortalyqtaryna jiberý quqyǵy berilip otyr. Budan bólek, turmystyq janjaldardy arnaıy polıseıler tergemek.
Saltanat Núkenovanyń ólimine qatysty tergeý aıaqtaldy
Prokýratýra men İİM ókilderi BAQ-qa bul is boıynsha kúdiktiniń aǵasy qamaýǵa alynǵanyn málimdedi. Oǵan QR QK 434-baby (Qylmys týraly habarlamaý) boıynsha aıyp taǵylýy tıis.
Qazaqstanǵa qansha týrıs kelgen?
9 aıda 900 myńǵa jýyq saıahatshy elimizdiń tabıǵatyn tamashalaǵan.
Statısıkalyq málimetter boıynsha, elimizge saıahattaıtyn sheteldik týrıserdiń geografıasy jyl sanap artyp keledi. Máselen, Qazaqstanǵa jaqyn kórshilerimizden bólek, muhıttyń arǵy betindegi memleketterdiń de saıahtashylary kóptep kele bastady.
Irek syzyqtan – túzý syzyqqa
Qyrǵyzstan memlekettik týyn jańartty.
«Jogorký Kenesh» 20-jeltoqsanda Qyrǵyzstannyń týyn ózgertý týraly zań qabyldady jáne oǵan 22 jeltoqsanda Prezıdent qol qoıǵan. Qabyldanǵan zańǵa saı, Qyrǵyz Respýblıkasynyń týyndaǵy kún sáýlesi ırekten túzý syzyqqa ózgertildi.
Qnet qarjy pıramıdasynyń basshysy 6 jylǵa sottaldy
136 jábirlenýshige 145 mıllıon teńgeden astam mólsherde múliktik zalal keltirildi.
Sottalýshynyń kinási jábirlenýshilerdiń, kýágerlerdiń aıǵaqtarymen, saraptamalardyń qorytyndylarymen jáne qylmystyq istiń basqa da materıaldarymen dáleldendi.
Aldaǵy sý tasqyny kezeńine daıyndyq bastaldy
Sý tasqyny jaǵdaıynyń yqtımal asqynýlaryna jedel den qoıý maqsatynda 39 myńnan astam adam, shamamen 11 myń birlik tehnıka, 500-den astam júzý quraly jáne 3 myńnan astam motopompa sanynda azamattyq qorǵaýdyń memlekettik júıesiniń kúshter men quraldardyń arnaıy toptary quryldy.
Aldaǵy sý tasqyny kezeńine daıyndyq jáne ony turaqty ótkizý maqsatynda TJ mınıstri áleýmettik-ekonomıkalyq damýdyń keshendi josparlarynda jáne óńirlerdiń damý josparlarynda kózdelgen sý tasqynyna qarsy is-sharalardy iske asyrýdy qamtamasyz etý qajettigin atap ótti.
Qazaqstannyń eń qymbat fýtbolshysy kim?
Tizimdi Ulttyq quramanyń kapıtany Asqat Taǵybergen bastap tur. Shabýylshynyń naryqtaǵy baǵasy 900 myń eýro. Úzdik úshtikti Maksım Samorodov pen Abat Aıymbetov jalǵaıdy. Al qymbat aıaqdop sheberleriniń tizimin Sergeı Malyı 600 myń eýromen túıindep tur.
Bıylǵy jaz byltyrǵydan da ystyq bolýy múmkin
Ǵalymdar 2024 jyly rekordtyq aptap ystyq bolatynyn eskertti. Olardyń aıtýynsha, 2023 jyl tarıhtaǵy eń ystyq jyl boldy, biraq 2024 jyl barlyq rekordtardy buzýy múmkin.
Dúnıe júzindegi temperatýranyń bul kóterilýi planetany ǵalymdar birneshe jyldar boıy eskertip kele jatqan qaıtymsyz klımattyq ózgeristerge qaýipti túrde jaqyndatady. Odan ári jylyný daýyl, qurǵaqshylyq, sý tasqyny jáne orman órtteri sıaqty ekstremaldy aýa raıy oqıǵalaryna ákeledi.
Qyzanaqtan vaksına jasaǵan
Ǵalymdar koronavırýstyń S1 antıgen aqýyzyn kodtaıtyn gen fragmentin arnaıy vektorlarǵa ornalastyryp, ony qyzanaq jasýshasynyń genomyna engizdi.
Ózbekstan ǵalymdary koronavırýs ınfeksıasyna qarsy alǵash ret qyzanaq ósimdiginen tikeleı tutynýǵa bolatyn genetıkalyq vektorlar men qyzanaq ósimdigine negizdelgen COVID-19 jańa býyndaǵy vaksına jasady.
700 myńǵa jýyq bala qyzylshaǵa qarsy ekpe saldyrǵan
El boıynsha barlyǵy 10 myńǵa jýyq ınfeksıalyq tósek-oryn qoıyldy, olardyń ishinde balalar úshin shamamen 3 myń tósek-oryn qarastyrylǵan. 2023 jyldyń sońynda elde 29 myńnan astam qyzylsha juqtyrý jaǵdaıy tirkeldi, onyń 80%-y 14 jasqa deıingi balalarǵa tıesili.
Qarý jasaıtyn 7 seh anyqtaldy
Ulttyq qaýipsizdik komıteti polısıa jáne prokýratýra organdarymen birlesip zańsyz aınalymnan 14 arnasyn anyqtap, ony qoldan jasaǵan 7 seh joıyldy.
51 Kalashnıkov avtomaty, 192 myltyq, 165 tapansha, 45 granata, 2 granatomet, 4 dana snarád pen mınalar, 7 jarylǵysh qurylǵylar jáne ártúrli kalıbrdegi 36 870 patron tárkilendi.
«Pýtındi jaqsy kóretin áıel...»
Aqtóbelik turǵyn Reseı Federasıasyna qosylý ıdeıasyn qoldap, keıinnen Qazaqstan halqynan keshirim surady.
"Qazir búkil jelide tarap jatqan vıdeo úshin keshirim suraımyn. Bul vıdeo úshin qatty ókinemin, men, árıne, soǵysqa da, referendýmǵa da qarsymyn. Men Qazaqstanymdy súıemin, bul - meniń Otanym, bul - meniń elim, men balalarymdy osynda dúnıege ákeldim, nemerelerim osynda dúnıege keldi. Biz munda turamyz, bizde bári bar. Bul vıdeo úshin taǵy da keshirim suraımyn. Óıtkeni men arandatýshylyqqa boı aldyrdym jáne oılanbastan jaýap berdim. "Bul beıneni kim taratsa da, bul úshin qatty ókinemin", - dedi ol.
Almatyda kóz aýrýlaryn emdeıtin biregeı jańa klınıka ashylady
Bul isti 15 jyldan beri Túrkıanyń Ystambul qalasynda turyp, atalǵan salamen turaqty aınalysyp kele jatqan Sátjan Toqtarbaı esimdi otandasymyz qolǵa alǵan.
«Almatyda qalasynda 15 qańtarda «Asiakoz» degen kóz klınıkasyn ashýdy josparlap otyrmyz. Ony ashý sebebimiz – qazir kózge em izdep, shetelge baratyndar kóp, sonymen qatar kózine kúrdeli ota qajet, biraq, qarajat jaǵynan jolyna aqsha taba almaı, bizge jete almaıtyndar da bar. Endi qazaqstandyqtar kózin emdetý úshin Anadolyǵa barmaıdy, osy jerde-aq emdete alady. Túrkıalyq bilikti hırýrgtardy osynda alyp kelemiz. Emhanamyz tolyqtaı sońǵy tehnologıamen halyqaralyq standarttarǵa saı jabdyqtalǵan. Túpki maqsatymyz — klınıkamyzdy Ortalyq Azıadaǵy kóz emdeıtin irgeli ortalyqqa aınaldyrý», dedi ol.
Sýsynǵa da salyq bar!
Ózbekstanda energetıkalyq jáne gazdalǵan sýsyndarǵa aksızdik salyq engiziledi.
Quramynda qanty bar gazdalǵan sýsyndar úshin aksız salyǵy lıtrine 500 sým. Eldiń densaýlyq saqtaý mınıstrligi qant dıabeti kóbeıýi múmkin dep alańdaıdy. Jalpy 18 jasqa tolmaǵandarǵa energetıkalyq sýsyndardy satý jáne olardy jarnamalaýǵa shekteý qoıatyn zań alty jyl buryn qabyldanǵan. Aksızden túsken qarjy medısına salasyn damytý qoryna aýdarylady.
İzdeýde júrgen sheteldik azamatty Almaty oblysynyń polıseıleri ustady
Almaty oblysy PD ekstremızmge qarsy is-qımyl basqarmasynyń qyzmetkerleri kórshi eldiń quqyq qorǵaý organdary izdegen 1969 jylǵy azamatty ustady. İzdeýdegi adam óz eliniń quqyq qorǵaý organdaryna tabystalǵanǵa deıin Qarasaı aýdandyq PB ÝUI-ǵa qamaýǵa alyndy.
Gena – álemdegi eń baı boksshy
Wealthy Gorilla basylymynyń málimetinshe, Golovkınniń kásibı mansabyndaǵy tabysy – 30 mıllıon dollar. Gennadıı osy tabysymen álemdegi eń baı boksshylardyń tiziminde 20-orynda tur.
3000 adam áskerı daıyndyqqa shaqyrylady
Qorǵanys mınıstrligi "Áskerı qyzmetke mindettilerdi 2024 jylǵa áskerı daıyndyqqa shaqyrý týraly" buıryq daıyndady.
Buıryq jobasy 23 qańtarǵa deıin qoǵamdyq talqylaý úshin "Ashyq NQA" saıtynda ornalastyrylǵan.
Mobıldi aýdarymdardyń bári birdeı tekserilmeıdi
Óz kiristerin jasyratyn nemese jeke shottaryna qatarynan úsh aı ishinde aı saıyn 100 jáne odan da kóp túrli tulǵalardan mobıldi aýdarymdar alǵan jeke kásipker retinde tirkelmegen tulǵalar ǵana tekserýge jatady. Tek qolma-qol aqshasyz esep aıyrysý boıynsha jumys isteıtin adal kásipkerler baqylanbaıdy. Sondaı-aq, bıznesti júrgizý jáne damytý úshin qolaıly jaǵdaılar jasalǵan. Salyq rejımderiniń tártibi jeńildetildi, bólshek saýdagerler, qyzmet kórsetetin kásipkerler, mysaly, shashtarazdar osy rejımdi qoldana alady. Qazir salyq mindettemelerin adal oryndaý áldeqaıda tıimdi.
Ulttyq taǵam – ulaǵatty urpaq
Almaty mektepterinde oqýshylarǵa ulttyq taǵamdar berilýi múmkin. Dıetologtardyń aıtýynsha, durys tamaqtanýdy mektep qabyrǵasynan bastaý kerek. Almaty qalalyq bilim basqarmasy "Ulttyq salaýatty tamaqtaný" ortalyǵynyń mamandarymen birlesip, arnaıy mázir daıyndap jatyr. Onda balalar úshin qunarly ári ár eldiń ulttyq taǵam túrleri engizilmek.
Búginde Almatydaǵy memlekettik bilim berý uıymdarynda 134 myńnan astam oqýshy tegin tamaqpen qamtylǵan. Bir balanyń kúndik taǵam baǵasy ortasha eseppen 830 teńge.
Men atamnan qashtym...
Áleýmettik jelide Túrkistan qalasyndaǵy 2021 jyly paıdalanýǵa berilgen Kerýen saraı kesheninde sándi dekoratıvtiń jelmen domalap bara jatqan vıdeosy tarady.
Qatty jeldiń saldarynan sándik (dekoratıvti) shardyń biri úzilip, sý baseınine túsken. Shardyń salmaǵy 5 keliden aspaıtyn, jeńil bolýy sebepti jeldiń ekpinimen qozǵalyp úzilgenin jáne bul keleńsizdikten eshkim zardap shekpegen.
Kóz jasy Qarakólge tamǵan...
Qyrylǵan aqqýlar sany 826-ǵa jetti.
Mamandar olardyń qus tumaýynan ólgenin málimdegen edi. Qarakól ózenine jiberiletin sýdy zertteý kezinde zıandy zattardyń shamadan tys mólsheri anyqtaldy.
Halyq kólge zıandy qaldyqtardyń tógilip jatqanyn jarysa jazdy. Sonyń saldarynan aqqýlar qyrylyp jatyr degen boljam da jasaldy.
Almatyda byltyr 334 konsert ótken
1,6 mıllıonnan astam adam kelgen.
Olardyń arasynda 50 Cent, Akon, Lara Fabian, Ne-Yo, Tarkan, Outlandish, Arash jáne basqa da kóptegen ánshi bar. Aıtpaqshy, ótkizilgen is-sharalardyń 86%-yn komersıalyq jáne jeke kompanıalar uıymdastyrǵan.
New York Times Almatyny tańdady
Qalamyz 2024 jylǵy eń úzdik týrısik baǵyttar tizimine endi. Almaty tizimde 25 orynda tur.
Buǵan deıin 2017 jyly Qazaqstan EKSPO-2017 kórmesi qarsańynda osy tizimge engizilgen bolatyn.
Kópbalalylardyń járdemaqysy kóbeıdi
Áleýmettik kodekstiń 91-babyna saı, onyń mólsheri mynadaı: 4 balaǵa shamamen 59183 teńge, al 5 balaǵa shamamen 74 myń, eger otbasynda 8 nemese odan da kóp bolsa, ár balaǵa 4 aılyq eseptik kórsetkish kóleminde tólenedi.
Eger otbasynda 8 jáne odan da kóp bala bolsa, ár balaǵa 4 AEK, ıaǵnı 8 balaǵa 32 AEK (118 144 teńge).
Ittiń etin jeısiń be?
Ońtústik Koreıanyń parlamenti ıttiń etin jeýge tıym salatyn zań jobasyn maquldady. Zańdy buzǵandar úsh jylǵa sottalady nemese 23 myń AQSH dollary kóleminde aıyppul tóleıdi. It ósirýshiler men meıramhana ıelerine úsh jyl merzim berilip otyr. Olar osy ýaqyt ishinde bıznesin toqtatady ne bolmasa basqa baǵytqa ózgertedi.
Shyǵarmashylyqtyń salyǵy jeńildeı me?
Kásipkerler korporatıvtik tabys salyǵyn, jeke tabys salyǵyn jáne qosylǵan qun salyǵyn tóleýden bosatylady. Onyń ornyna jeke kásipkerler úshin 2% - dan 4% - ǵa deıingi, sondaı-aq JSHS úshin 8% mólsherinde biryńǵaı salyq engiziletin bolady.
Jaıaý júrýdiń de erejesi bar
Endi jaıaý júrginshilerdiń qıylystarda joldy kesip ótýi áldeqaıda qıyndaıdy. Óıtkeni, olar burylý manevrin oryndaı almaǵan kólikke jol berýge májbúr bolady.
Baǵdarshamnyń jasyl túsi jana salysymen kólik quraldary buryn bastaǵan manevrdi aıaqtady ma nemese onyń jaıaý júrginshiler jolynyń aldynda toqtaýǵa múmkindigi bar ma degen máselege bas aýyrtpaı jolǵa shyǵa beredi.
Baıqaýǵa baryp, baǵyńdy syna!
Elimizde «Abaı» atyndaǵy baıqaý jarıalandy. Úmitkerlerdi shyǵarmashylyq toptar men odaq, memlekettik organdar usynady. Qatysýshynyń bes jyl men bir jyl aralyǵyndaǵy shyǵarmashylyq jumysy saralanady, deıdi qazylar alqasy. Baıqaýdyń talaptaryna qatysty ózge de málimetti Mádenıet jáne aqparat mınıstrliniń saıtynan oqýǵa bolady.
Qazaqstan álemdegi eń myqty tólqujattar reıtıńinde 66-orynda tur
Henley & Partners 2024 jyldyń Tólqujat ındeksin jarıalady. Reıtıń basynda Germanıa, Ispanıa, Italıa, Fransıa, Sıngapýr jáne Japonıa tur, bul elderdiń azamattary 194 elge vızasyz kire alady. Sosyn Fınlándıa, Shvesıa jáne Ońtústik Koreıa elderiniń azamattary 193 elge vızasyz kire alady eken.