İİM elimizdegi joldarda ortasha jyldamdyqty asyrý úshin jańa aıyppul engiziletinin málimdedi, dep habarlaıdy aqshamnews.kz
Eger júrgizýshi belgilengen ortasha jyldamdyqtan 60 km/saǵ jáne odan kóp asyp ketse, oǵan 40 AEK (2025 jyly bul shamamen 157 myń teńge) kóleminde aıyppul salynady. Bul týraly İshki ister mınıstrligi Ákimshilik polısıa komıtetiniń tóraǵasy Qaısar Sultanbaev málimdedi.
Onyń aıtýynsha, qala mańyndaǵy joldarda ortasha jyldamdyqty baqylaý engizilgen jerlerde 15 myńǵa jýyq osyndaı quqyqbuzýshylyq tirkelgen.
“Qarsy jolaqqa shyqqan júrgizýshi 6 aıǵa júrgizýshi kýáliginen aıyrylady. Eger bul áreket jol-kólik oqıǵasyna alyp kelse, onda 20 AEK aıyppul nemese 6 aıǵa kýálikten aıyrylý qarastyrylǵan. Endi eger qarsy jolaqqa shyǵý jol apatyna sebep bolsa, júrgizýshi 9 aıǵa júrgizýshi kýáliginen aıyrylady. Bul – jaza mólsherin naqtylaý úshin jasalyp otyr”, – dedi Sultanbaev.