Naqtyraq aıtsaq, jalaqy ósimi 9%-dy qurady.
Ulttyq statısıka búrosynyń málimetinshe, kásipkerlik qyzmetpen aınalysatyn shaǵyn kásiporyndardy esepke alǵanda bir qyzmetkerdiń ortasha aılyq ataýly jalaqysy 231 476 teńgeni qurady, dep habarlaıdy Almaty-akshamy.kz.
Jalaqy mólsheri ótken jylmen salystyrǵanda 17,7%-ǵa ósti, naqty mánde ósim 9%-dy qurady.
«Kásipkerlik qyzmetpen aınalysatyn shaǵyn kásiporyndardy eskere otyryp, ortasha aılyq jalaqynyń eń kóp ósýi ótken jylmen salystyrǵanda densaýlyq saqtaý jáne halyqqa áleýmettik qyzmet kórsetý salasynda – 29,7%-ǵa, bilim berý salasynda – 24,1%-ǵa, qarjy jáne saqtandyrý qyzmetinde - 21,1%-ǵa, ózge de qyzmet túrlerin usyný salasynda - 21,2%-ǵa baıqaldy», - delingen Ulttyq statısıka búrosynyń habarlamasynda.
Salalar arasynda eń joǵary ataýly jalaqy taý-ken óndirý ónerkásibinde jáne karerlerdi qazýda – 477,1 myń teńge (ortasha respýblıkalyq deńgeıden 2,1 ese joǵary), qarjy jáne saqtandyrý qyzmetinde – 437,1 myń teńge (1,9 ese), aqparat jáne baılanys salasynda - 330,1 myń teńge (1,4 ese), kásiptik bilim berý salasynda - 477,1 myń teńge (ortasha respýblıkalyq deńgeıden 2,1 ese joǵary), ǵylymı jáne tehnıkalyq qyzmetke – 305,8 myń teńge (tıisinshe 1,3 ese).
Kásipkerlik qyzmetpen aınalysatyn shaǵyn kásiporyndardy esepke alǵanda, ortasha aılyq ataýly jalaqynyń tómen deńgeıi aýyl, orman jáne balyq sharýashylyǵy salalarynda – 135 430 teńge, sondaı-aq óner, oıyn-saýyq jáne demalys salalarynda - 155 524 teńge belgilengen.
Óńirler arasynda shaǵyn kásiporyndardy esepke alǵanda eń joǵary ortasha aılyq ataýly jalaqy Atyraý oblysynda belgilendi – 379 901 teńge.
Bul rette Shymkentte onyń shamasy 170 397 teńgeni qurady, bul el boıynsha ortasha deńgeıden 26,4%-ǵa tómen.