Vıdeo avtory bul polısıa basshylarynyń biriniń ulynyń toıy bolýy múmkin ekenin aıtty.
«Polısıa bastyǵynyń ulynyń úılený toıynda túsirilgen» degen vıdeony Almaty polısıasy tekserip jatyr, dep habarlaıdy Almaty-akshamy.kz QazAqparatqa silteme jasap.
Áleýmettik jelide qazaq estrada juldyzdarynyń qatysýymen ótken toıdyń vıdeosy paıda boldy.
Beınejazbadan toıǵa kóp qonaq kelgenin, qazaqstandyq estrada juldyzdary óner kórsetip, kóptegen syılyq oınatylǵanyn baıqaýǵa bolady.
Oınatylǵan syılyqtar ishinde benzın quıýǵa arnalǵan talondar da bar.
Vıdeo avtory bul polısıa basshylarynyń biriniń ulynyń toıy bolýy múmkin ekenin aıtty.
Almaty qalalyq polısıa departamenti atalǵan vıdeoǵa qatysty qyzmettik tergeý bastalǵanyn málim etti.
«Avtordyń aıtqan sózderi taǵaıyndalǵan qyzmettik tergeý aıasynda muqıat tekserilip jatyr. Qyzmettik tártipti buzý anyqtalǵan jaǵdaıda polısıa qyzmetkerlerine qatysty tártiptik shara qoldanylady», - dep habarlady Almaty qalalyq polısıa departamentiniń baspasóz qyzmeti.