Búgin, 2024 jyly Qazaqstanda IT-sala qyzmetkerleri ózderiniń kásibı merekelerin atap ótýde, dep habarlaıdy aqshamnews.kz.
Qazirgi zamanǵy IT-tehnologıalar elimizde barlyq salada keńinen qoldanylyp, qoǵamdyq ómirdiń ajyramas bóligine aınaldy. Qazaqstannyń IT salasyndaǵy jetistikteri halyqaralyq deńgeıde joǵary baǵalanyp otyr. Mysaly, BUU elektrondyq úkimetiniń álemdik reıtıńinde Qazaqstan 24-oryndy ıelense, onlaın-qyzmetter ındeksi (OSI) boıynsha 10-orynǵa turaqtaǵan.
2023 jyly Qazaqstanda onlaın rejımde 50 mıllıonnan astam memlekettik qyzmet kórsetilgen, onyń 92%-y turǵyndar úshin úıden shyqpaı-aq qoljetimdi boldy. Sonymen qatar, egov mobıldi qosymshasyn aı saıyn shamamen 4,6 mıllıon adam paıdalanady.
Bul nátıjeler – otandyq IT mamandarynyń eren eńbeginiń nátıjesi. Olardyń arqasynda biz qashyqtyqtan baılanys ornatyp, bilim alyp, memlekettik qyzmetterge onlaın qol jetkize alamyz. Sonymen qatar, kóptegen prosesterdi avtomattandyrý elimizdiń damýyna jańa múmkindikter týǵyzyp, ekonomıka men qoǵamnyń tıimdiligin arttyrýda.
Qazaqstannyń IT salasy bolashaqta da osy jetistikterdi odan ári arttyryp, álemdik arenada jańa belesterge jetýdi maqsat etedi.