8 qarasha saǵat 21:40 shamasynda QR İİM Ulttyq ulannyń 5571 áskerı bóliminiń áskerı jasaǵy qoǵamdyq tártipti saqtaý kezinde esirtki jasyrǵan kúdiktini ustady, – dep habarlaıdy aqshamnews.kz
Áskerı jasaq bastyǵy qatardaǵy jaýynger Nurdáýren Aıtmaǵanbet pen patrúlshi qatardaǵy jaýyngerler Aıbek Baıtýlel men Tımýr Chabıkov 8-shaǵyn aýdanda qyzmet atqarý kezinde ózin kúdikti ustaǵan jas jigitti baıqaǵan. Bul týraly ulandyqtar dereý áskerı jasaq boıynsha kezekshige habarlady. Áskerı qyzmetshiler onyń turǵyn úılerdiń aýlasyndaǵy aǵashtardyń arasynan birdeńe izdep jatqanyn baıqady.
– Ol bizge kúdikti bolyp kórindi. Sosyn oǵan jaqyndadyq. Kúdikti azamat qashýǵa tyrysty, biraq biz ony ustap aldyq. Sol jerden erekshe ıisi bar esirtki zaty tabyldy, – deıdi Nurdáýren Aıtmaǵanbet. Ári qaraı kúdikti oqıǵa ornyna kelgen polısıa qyzmetkerlerine berildi.