Shara barasynda ınternet-saýdanyń eń ózekti máseleleri talqylanyp jatyr.
Qazaqstan astanasynda elektrondyq E-commerce Forum forýmy bastaldy, onda ınternet-saýdanyń eń ózekti máseleleri talqylanyp jatyr, dep habarlady Almaty-akshamy.kz.
«Forým «Astana» halyqaralyq qarjy ortalyǵynda (AHQO) ótedi jáne oǵan memlekettik organdardyń ókilderi, jetekshi otandyq jáne halyqaralyq saýda jelileriniń, marketpleısterdiń, qarjy jáne AT salasynyń top-menedjerleri, kásipkerler men táýelsiz sarapshylar qatysyp jatyr»,- delingen Saýda jáne ıntegrasıa mınıstrliginiń habarlamasynda.
Forýmdy QR Saýda jáne ıntegrasıa mınıstrligi men Mastercard qoldaýymen BTS Education kompanıasy uıymdastyrdy.
Forým bastamashylarynyń aıtýynsha, is-shara qazaqstandyq kompanıalardy digital-kompanıaǵa transformasıalaý prosesin jaqsartý joldaryn birlesip izdeý úshin startaptardy, kásipkerlerdi, joǵary oqý oryndaryn, memleket pen tehnologıalyq kompanıalardy biriktirý, sondaı-aq elektrondyq komersıa salasyndaǵy úzdik praktıkalarmen jyl saıyn almasý úshin jańa jaıly keńistik qurý, aımaqtardaǵy sıfrlyq ekonomıkany jaqsartýǵa kómektesetin naqty is-áreketter men ónimderdi usyný maqsatynda ótkiziledi.