Olardyń jalaqysy Ulttyq qaýipsizdik komıteti mamandarynyń eńbekaqysymen teńestiriledi.
Bul týraly TJM Órtke qarsy qyzmet komıteti tóraǵasynyń orynbasary Dmıtrıı Tıtov málimdedi, dep habarlaıdy Almaty-akshamy.kz Elorda.info-ǵa silteme jasap.
Tótenshe jaǵdaılar mınıstrligi ókiliniń aıtýynsha, elimizde órt sóndirýshiler alǵashqy jumys jylynda shamamen 115 myń teńge jalaqy alady, al eńbek ótili 20 jyl bolsa, onyń jalaqysy 200 myń teńgeden asady. Qazir jalaqy máselesin sheshý mınıstrliktiń kún tártibinde tur.
«Búgingi tańda Tótenshe jaǵdaılar mınıstrliginiń materıaldyq-tehnıkalyq jabdyqtalýy 69 prosentke teń. Jyl saıyn búdjetten órt sóndirý tehnıkasyn satyp alýǵa tıisti qarajat bólinedi. Biraq biz qoldanatyn avtosısternalardyń baǵasy 90 mıllıon teńgeden asady. Eger polısıa qyzmetiniń kólikterimen salystyratyn bolsaq, bizdegi tehnıka 8 esege qymbat. Sondyqtan eki vedomstvoǵa birdeı soma bólinedi deıtin bolsaq, biz basqa vedomstvoǵa qaraǵanda áldeqaıda az mashına satyp alamyz. Osyny eskergen jón», – dedi Dmıtrıı Tıtov.