Adamı kapıtal
Elimizde ǵylymǵa qabiletti balalardyń talantyn ashýǵa arnalǵan baǵdarlama ázirleý tapsyryldy, dep habarlaıdy Almaty-akshamy.kz QazAqparat-qa silteme jasap.
«Otandyq joǵary mektep pen ǵylymnyń birge damýy memleketimizdiń básekege qabilettilegin arttyryp, el ekonomıkasynyń qaryshtap ósýine yqpal etýi tıis. Bul bizdiń aldymyzǵa qoıylǵan basty mindet. Bul mindetti iske asyrýda biliktiligi joǵary mamandar daıarlaýdyń mańyzy úlken. Halyqaralyq sarapshylardyń pikirinshe, zamanaýı 4-shi deńgeıli ındýstrıany damytý 68% sapaly adamı kapıtalǵa baılanysty. Sonymen qatar 16%-y ınfraqurylymǵa jáne 12%-y ǵana shıkizatqa táýeldi», - dedi Eraly Toǵjanov «Adamı kapıtal – jańa Qazaqstan damýynyń negizgi resýrsy» atty ǵylym jáne joǵary bilim forýmynda.
Onyń aıtýynsha, Úkimet el ekonomıkasyna qajetti mamandardy daıarlaý baǵytynda keshendi sharany iske asyryp jatyr.
«Ǵylymmen aınalysatyn kadrlardy tıimdi molaıtý úshin ǵylymı qyzmetke beıim balalardy irikteýdiń úzdiksiz kóp deńgeıli júıesin ázirleýdi tapsyramyn. Talanttardy irikteýdiń mundaı júıesi óner salasynda burynnan sátti qoldanylyp keledi. Bolashaq ánshi, balet ártisterin, rejıserlerdi, mýzykanttardy baýlý orta mektepte bastalyp, mamandandyrylǵan kolejder men ýnıversıtetterde jalǵasyn tabady. Áleýetti ǵalymdardyń jańa býynyn qalyptastyrý úshin talanttardy, olardyń jumysyn zertteý qajet», - deıdi ol.
Sondaı-aq, E. Toǵjanov daryndy otandyq jáne shetelden tartylatyn ǵalymdardyń aqparattyq bazasyn qurý qajettigi týraly aıtty.
Buǵan deıin bıyl SQO-da túlekterdiń 64% otandyq oqý oryndaryn tańdaǵany týraly habarlaǵan edik. QR Premer-Mınıstrdiń orynbasary bilimdi qoǵam mádenıetin qalyptastyrý tujyrymdasyn ázirleýdi tapsyrdy.
Odan bólek, Qazaqstanda halyqaralyq deńgeıdegi pedagog mamandar daıarlanatyny aıtyldy.