Internasıonaldy fılm qazaq tilinde sýbtıtrlermen shyqty.
Sonymen qatar, taspa eksklúzıvti túrde Ivı-de tek Qazaqstanda usynylǵan.
Bul tanymal qazaqstandyq akter Farhat Ábdiraıymovtyń kınodaǵy sońǵy róli boldy, sondaı-aq grýzın kınosynyń patrıarhy Vahtang Kıkabıdze de fılmniń premerasyn kórmeı ketti.
Eki eldiń, Qazaqstan men Grýzıanyń kınematografısteri baıandaǵan oqıǵa Uly Otan soǵysy urys alańynan bastaý alady. Eki barlaýshy grýzın Vano men qazaq Baqytjan tapsyrmadan oralyp, áýe shabýylyna ushyraıdy. Baqytjan óz ómirin qaterge tigip, Vanony qutqarady. Qaza bolǵan joldasynyń tóseginde Vano marqumnyń urpaǵy jalǵasatynyn aıtyp, ant beredi. Alaıda, Vano ýádesin oryndaı almady, endi nemereleri atalarynyń antyn oryndaýy kerek. Vano Býbtyń nemeresi Baqytjannyń nemeresin taýyp, oǵan úılený úshin Tbılısıden Almatyǵa attanady. Býbamen birge onyń úlken ápkesi Nına da Qazaqstanǵa ushady. Býbanyń nemquraıdylyǵyna baılanysty jastar Baqytjannyń urpaqtary turatyn mekenjaı jazylǵan jazbany joǵaltyp alady. Mine, osy kezde naǵyz shytyrman oqıǵalar bastalady.
«Men úshin bul eki jastyń sezimi týraly ǵana emes, bizdiń elderimizdiń mádenı baılanystary, uqsastyqtarymyz ben ózgeshelikterimiz, tarıhymyh, qundylyqtarymyz ben dástúrimiz týraly fılm. Bul osynyń bárinen shyqqan hıkaıa», – deıdi kartınanyń qazaqstandyq taraptaǵy rejıseri Jeńis Tumataev.
«Grýzınder umytpaıdy. Uly Otan soǵysynda maıdada qazaqtarmen ıyq tirestirip birge soǵysqanymyzdy ǵana eme, Davıd patshanyń zamanynda qypshaqtarmen birge ejelgi Tbılısıdi seljuqtardan qorǵaǵanymyzdy da este saqtaımyz», – deıdi grýnız rejıseri Georgıı Kıkaleıshvılı.
Fılmdi túsirý ońaı bolmaǵan, óıtkeni proses pandemıa jaǵdaıynda ótti: komendanttyq saǵat, tikeleı reısterdiń bolmaýy, ár úsh kún saıyn búkil top PTR testterin tapsyrdy, túsirilim ruqsattaryna baılanysty qıyndyqtar týyndady. Tbılısı mańynda áskerı kórinister men oqıǵanyń grýzınderge qatysty bóligi túsirildi. Sodan keıin túsirilim toby Almatyǵa kóshti, onda túsirilim oryndary qala tarıhyndaǵy kórnekti oryndar boldy: «Alma-Ata» qonaqúıi, Medeý, sırk jáne basqalary.
Kartınada rólderde Farhat Ábdiraıymov (Fara), Shárip Serik, Tólepbergen Baısaqalov, Azat Seıitmetov, Danagúl Temirsultanova, Qarlyǵash Isabekova, Táýekel Músilim, sondaı-aq grýzın akterleri Natıa Sısılashvılı, Ilá Chhaıdze, Zýrab Kıpshıdzeler oınady. Fılmge grýzın kınosynyń patrıarhy Vahtang Kıkabıdze de qatysty.
Átteń, bul tanymal qazaqstandyq akter Farhat Ábdiraıymovtyń kınodaǵy sońǵy róli boldy, sondaı-aq grýzın kınosynyń patrıarhy Vahtang Kıkabıdze de fılmniń premerasyn kórmeı ketti.
Eń qıyn ról Tólepbergen Baısaqalovqa buıyrdy. Ol, senarı boıynsha, birden eki taksı júrgizýshisiniń rólinde oınaıdy: tbılısılik jáne almatylyq.
«Maǵan taksı júrgizýshisi Tolıktiń rólin oınaý ońaı boldy, óıtkeni meniń keıipkerim eki el arasyndaǵy uqsastyqty bildiredi. Ortaq belgilerimiz bir qaraǵanda kórinetindeı az emes, óte kóp», – dep bólisti Tólepbergen Baısaqalov.
Al akter Shárip Serik ózine úırenshikti emes keıipkerdi somdady. Qazaqstandyq kórermenge «raıonnyń jigiti» rólderimen jattalyp qalǵan Shako endi tula boıy romantıkaǵa toly keıipkerdi oınady.
«Meniń keıipkerim Azamat – durys jigit, «jurttyń balasy» sıpatyndaǵy obraz. Dombyra shertedi, balalar úıinde balalar mýzykalyq orkestrin basqarady jáne jaqsy jar bolatyn qyz izdeıdi. Alaıda taǵdyry aıdap ákeletin qyz qandaı bolatynyn eshkim bilmeıdi. Sújetten bir sátke de kóńil aýdarýǵa bolmaıtyn kartına», – deıdi ol ózi oınaıtyn róli týraly.
Týyndyda rólderde oınaǵandar: Farhat Ábdiraıymov (Fara), Shárip Serik, Tólepbergen Baısaqalov, Azat Seıitmetov, Danagúl Temirsultanova, Qarlyǵash Isabekova, Táýekel Músilim, sondaı-aq grýzın akterleri Natıa Sısılashvılı, Ilá Chhaıdze, Zýrab Kıpshıdze, Vahtang Kıkabıdzeniń qatysýymen.
Ivı onlaın-kınoteatry — aı saıynǵy aýdıtorıasy 50 mıllıonnan asatyn biregeı qoldanýshysy bar eń iri reseılik onlaın-kınoteatrlardyń biri. Kontent qorynda 10 myńnan astam taıtl bar, túrik jáne koreı serıalardarynyń keń katalogy, 16 jeke óndiris jobasy bar. Ázirleýde ondaǵan telehıkaıa men tolyqmetrajdy kartınalar bar, al kóp uzamaı kórermen jańa maýsymnyń jobalarynyń premerasyn kútedi: «I snova zdravstvýıte!», «Delo o propavsheı derevne», «Raısentr» jáne basqalary. Búginde Ivı otandyq jetekshi prodúserlermen, rejıserlermen jáne akterlermen yntymaqtastyq ornatqan.