43 esirtki arnasy joıyldy.
Mamandar esirtki jarnamasy bar 1900 saıt buǵattalǵanyn aıtty, dep habarlaıdy Almaty-akshamy.kz Baq.kz silteme jasap.
Aıtýynsha, Memleket basshysynyń qabyldaýynda bolǵan mınıstr Ahmetjanov Prezıdenttiń aldynda osy máselelermen bólisken.
«Polıseıler zańsyz aınalymnan 12 tonnaǵa jýyq esirtki, onyń ishinde 212 kg sıntetıkalyq túrin tárkiledi. 36 esirtki zerthanasy men 43 esirtki arnasy joıyldy, esirtki jarnamasy bar 1900 saıt buǵattaldy. İİM nashaqorlyqqa jáne esirtki bıznesine qarsy úsh jyldyq kezeńge arnalǵan keshendi jospar ázirlenip jatyr», - dedi İshki ister mınıstrliginiń ókili Shuǵyla Turlybek.
Sonymen qatar ol adam saýdasyna qarsy zań daıyndalǵanyn alǵa tartty.
«Sondaı-aq «Adam saýdasyna qarsy is-qımyl týraly» arnaıy zań ázirlendi. Kezdesý qorytyndysy boıynsha Memleket basshysy eldegi azamattardyń qaýipsizdigi men quqyqtyq tártipti qamtamasyz etý boıynsha birqatar naqty mindet qoıdy», - dedi Shuǵyla Turlybek.
Eske sala keteıik, buǵan deıin el aýmaǵynda 7 kúnde 3 myńnan astam qylmys jasalǵany týraly jazǵan bolatynbyz. Sonyń ishinde polısıa qyzmetkerleri «izin sýytpaı» 18 kisi óltirýdi, 4 ólimge ákep soqqan densaýlyqqa qasaqana aýyr zıan keltirýdi, 1 qaraqshylyq, 27 tonaý jáne 440 bóten múlikti urlaý qylmystaryn ashqan.