Qazaqstanda baqylaýǵa jatatyn esirtki jáne psıhotroptyq preparattardyń tizimi ulǵaıtylady.
Tizimge 8 jańa pozısıa qosyldy. Úkimetpen psıhoaktıvti zattardyń 8 ataýymen bir prekýrsordy jáne olardyń qylmystyq mólsherin aıqyndaı otyryp, memlekettik baqylaýǵa engizý jóninde kezekti qaýly qabyldandy, dep habarlaıdy almaty-akshamy.kz.
Bul Para-flúorofentanıl, Brorfın, Metonıtazen esirtki zattary: 3-metoksıfensıklıdın, Evtılon, Klonazolam, Dıklazepam, Flýbromazolam psıhotroptyq zattar jáne 4-metılpropıofenon esirtki óndirisinde qoldanylatyn Prekýrsor.
– Atalǵan zattar Eýrazıalyq ekonomıkalyq komısıanyń sheshimimen Eýrazıalyq ekonomıkalyq odaqta baqylaýǵa jatatyn esirtkiler tizbesine engizilgen. Bul olardyń baqylaýdaǵy zattardyń ulttyq tizimine enýine negiz boldy, – dep bólisti İİM-de.
Vedomstvo atap ótkendeı, 2019 jyly Úkimetke esirtki tizimin bekitý quzyreti berilgennen bastap, tizim 154 jańa psıhoaktıvti zattarmen tolyqtyryldy, onyń ishinde 125 esirtki jáne psıhotroptyq zattar jáne 29 prekýrsorlar.
Qazirgi ýaqytta esirtkini tizimge engizý prosedýrasy shamamen bir aıǵa sozylady. Bul úshin zattar Eýrazıalyq odaq elderiniń tizbelerinde nemese BUU-nyń esirtkini baqylaý jónindegi Halyqaralyq Komıtetiniń usynymda bolýy jetkilikti.
Aıta keteıik, Qazaqstanda azamattardyń ómiri men densaýlyǵyna qaýip tóndiretin 700-ge jýyq belgili esirtki túri baqylanady.