Energıa resýrstarynyń tapshylyǵy týraly oılana bastaý qajet.
Qazaqstandyqtar Eýropanyń damyǵan elderindegi azamattarmen salystyrǵanda, energıany ortasha eseppen úsh ese kóp tutynady. Bul týraly QR IIDM Elektr energetıkasyn damytý jáne energıa únemdeý ınstıtýtynyń mamandary aıtyp otyr, dep habarlaıdy Almaty-akshamy.kz.
Qazaqstannyń Indýstrıa jáne ınfraqurylymdyq mınıstrliginiń baspasóz qyzmetiniń málimeti boıynsha, damyǵan elderde energetıkalyq resýrstardyń negizgi tutynýshysy turǵyn úı-kommýnaldyq sharýashylyq sektory bolyp tabylady. Máselen, Halyqaralyq energetıka agenttiginiń derekteri boıynsha, sońǵy 5 jylda Qazaqstanda energıa tutyný kólemi 27 paıyzǵa artqan.
«Qazaqstandaǵy turǵyn úıler Eýropanyń damyǵan elderine qaraǵanda ortasha eseppen úsh ese kóp energıa tutynady. Barlyq faktorlar men táýekelderdi eskere otyryp, qazirdiń ózinde energıa resýrstarynyń tapshylyǵy týraly oılana bastaýymyz qajet», - deıdi QR IIDM Elektr energetıkasyn damytý jáne energıa únemdeý ınstıtýtynyń mamandary.