Otandyq joba iske asyrylady.
Qazaqstan reseılik «SBER» platformasynan bas tartty. Bul týraly QR Sıfrlyq damý, ınovasıalar jáne aeroǵarysh ónerkásibi vıse-mınıstri Asqar Jambaqın málim etti, dep habarlaıdy Almaty-akshamy.kz QazAqparatqa silteme jasap.
«Qazirgi geosaıası ahýaldy, sonymen qatar ózge de tájirıbelerimizdi saralaı kele, óz kúshimizben, «Ulttyq aqparattyq tehnologıalar» AQ-men jasaımyz dep sheshtik. Bul platforma qazaqstandyq İT-kompanıalardyń kúshimen jasalady. Qazir tehnıkalyq-ekonomıkalyq saraptama jasalyp jatyr. Jyl sońyna deıin birinshi servıster daıyn bolady. Jobaǵa 2-3 jylda kóshemiz», - dedi ol Ortalyq kommýnkasıalar qyzmetindegi baspasóz máslıhatynda BAQ ókilderiniń saýalyna oraı.
Buǵan deıin QR Sıfrlyq damý, ınovasıalar jáne aeroǵarysh ónerkásibi mınıstri Baǵdat Mýsın Sberbankpen aradaǵy sıfrlyq platformanyń ornyna otandyq joba iske asyrylýy múmkin ekenin aıtqan bolatyn.
«Geosaıasattyń saldarynan biz áli sheshim qabyldaǵan joqpyz. Iaǵnı odan bas tartamyz ba nemese basqa tehnologıaǵa kóshemiz be degen másele pysyqtalyp jatyr. Biraq palatformaǵa kóshetinimiz anyq. Osy oraıda ózimiz jasaǵan júıe de bolýy múmkin. Biz bir jyldyń ishinde tıisti taldaý jumystaryn júrgizdik. Ózimiz jasaǵan platformaǵa belgili bir ýaqyt pen qarajat kerek bolady. Talqylaý aıaqtalǵan soń, bir aıdyń ishinde tolyq aqparatty jarıalaımyn», - degen edi Baǵdat Mýsın.