Ázirge mamandar standart ázirlep jatyr.
Qazaqstanda elektrosamokat paıdalanýdyń biryńǵaı erejeleri ázirlenbek. Bul týraly Ortalyq komýnıkasıalar qyzmetinde ótken brıfıńte QR İshki ister mınıstrligi Jol qaýipsizdigi basqarmasy bastyǵynyń orynbasary Arman Altynbekov málim etti, dep habarlaıdy Almaty-akshamy.kz QazAqparatqa silteme jasap.
«Qazirgi tańda normatıvtik aktilerde elektr samokattar kólik quralynyń qandaı da bir tıpine jiktelmegen. Iaǵnı, qoldaný ereksheligi men tehnıkalyq aıyrmashylyqtaryna qaraı mopedke jata ma, álde skýterge jata ma, naqty jikteý joq. Onyń ústine zańnamada bul kólik quraldaryna qoıylatyn talaptardyń bolmaýy olardyń naryqta satylý jáne qoldaný erejelerin, qaýipsizdik boıynsha qoıylatyn talaptary men sol talapqa sáıkestigin baǵalaý tetikterin, markileýdiń biryńǵaı talaptaryn tehnıkalyq retteýge múmkindik bermeıdi», - dedi Arman Aıtybekov.
Onyń sózine qaraǵanda, qazirgi tańda elektr samokattarǵa qoldanylatyn standarttar ázirlenip jatyr.
«Búginde Úkimettiń tapsyrmasy boıynsha múddeli memlekettik organdarmen birge osy jumysty júrgizip jatyrmyz. Saýda jáne ıntegrasıa mınıstrligi kóliktiń osy tıpine standarttar ázirlep jatyr. Bul kólik quraly ma álde qurylǵysy ma? Osyny túsinip alýymyz kerek. Birqatar sebepke baılanysty olardy kólik quralyna jatqyza almaımyz. Óıtkeni tejegish júıesi, burylys shamdary men jaryq shamdary joq degen sıaqty. Standart daıyn bolǵan soń, tıptik erejeler jasaımyz. Osylaısha olarǵa biryńǵaı erejeler qoldana alamyz», - dedi İİM ókili.
İİM deregi boıynsha, byltyr mopedter men samokat tepken 68 adam jaraqat alǵan.