Bul týraly QR Ǵylym jáne joǵary bilim mınıstrligi habarlady.
Atap aıtqanda, «Ońtústik Qazaqstan memlekettik pedagogıkalyq ýnıversıteti» KEAQ-ny »Ońtústik Qazaqstan pedagogıkalyq ýnıversıteti» KEAQ dep ataý usynylyp otyr. Sonymen qatar ýnıversıtetke Ózbekáli Jánibekovtiń esimi beriledi, dep habarlaıdy Almaty-akshamy.kz.
Atalǵan ýnıversıtetke Ózbekáli Jánibekov esimin berý joǵary oqý oryndarynyń profesorlyq-oqytýshylyq quramynyń mártebesin arttyrýǵa múmkindi beredi.
Sondaı-aq «A.Baıtursynuly atyndaǵy Qostanaı óńirlik ýnıversıteti» KEAQ ataýynyń transkrıpsıasy «Ahmet Baıtursynuly atyndaǵy Qostanaı óńirlik ýnıversıteti» KEAQ bolyp ózgeredi.
Qujat 24 shildege deıin qoǵamdyq talqylaý úshin Ashyq NQA saıtyna jarıalanǵan.