Qazirgi ýaqytta ǵımarattyń shatyryna jáne Ofıserler úıiniń jertólesine kúrdeli jóndeý jumystary júrgizilýde (jalpy alańy - 5,5 myń sharshy metr).
Vıdeorolıkte kórsetilgen plıtalar týraly aqparat týraly kelesini habarlaımyz. Plıtalar jerasty bólmede ornalasqan (alańy shamamen 200 sharshy metr). Olar gıdrooqshaýlaý úshin alynǵan edi. Jumys aıaqtalǵannan soń plıtalar ornyna qaıta qoıylady, dep habarlaıdy Almaty-akshamy.kz.
Buǵan deıin habarlaǵanymyzdaı, Ofıserler úıiniń jóndeý jumysyna Almaty ákimdiginiń qatysy joq.
Plıtalardy jasyl jelekterdiń astyna ornatqan merdiger uıymǵa abattandyrý erejelerin buzǵany úshin QR ÁQBtK 505-baby boıynsha ákimshilik hattama jasaldy.
"Ǵımarat pen jertóleniń shartynan sońǵy 5 jylda sý ótip ketedi. Ofıserler úıi - sáýlet eskertkishi, ǵımaratta áskerı-tarıhı mýzeı ornalasqan. Osyǵan baılanysty shatyrdy jeke qarajat esebinen kúrdeli jóndeý týraly sheshim qabyldandy. Jumystardy aǵymdaǵy jyldyń tamyz aıynda aıaqtaý josparlanýda", - dep habarlady Medeý aýdanynyń ákimdigi.
Anyqtama úshin: Ofıserler úıi Qorǵanys mınıstrliginiń "Qazaqstan GAJ Ortalyǵy" AQ balansynda. Jumystar "Frıdom Fınans" JSHS qarjysy esebinen júrgizilýde.