Aǵymdaǵy jyldyń eki aıynda respýblıkada esirtkiniń zańsyz aınalymy salasynda 430 qylmys, onyń ishinde 285 esirtki ótkizý jáne 22 kontrabanda faktisi anyqtaldy.
475 kılogrammǵa jýyq esirtki tárkilendi, onyń 50 kg-ǵa jýyǵy sıntetıka. Segiz esirtki zerthanasy joıyldy, dep habarlaıdy Almaty-akshamy.kz Polisia.kz-ke silteme jasap.
Olar Nur-Sultan, Almaty qalalary men Almaty, Aqtóbe, Shyǵys Qazaqstan oblystarynda anyqtalǵan. Jasyryn esirtki óndirisin uıymdastyrǵany úshin 16 adam ustaldy. Jýyrda aqtóbelik esirtki polıseıleri oblys ortalyǵynyń 30 jastaǵy turǵynyn ustady, odan 850 gram mefedron tárkilendi. Kúdikti jalǵa alynǵan úıde asa iri kólemde sıntetıkalyq esirtki shyǵarýmen aınalysqan. Sonymen qatar, seriktesimen birge jasyrylǵan 24 jerden esirtki tárkilengen. Buǵan qosa, jalǵa alynǵan úıden óndiriske arnalǵan qurylǵylar alynǵan
“Aqparattyq tehnologıalardyń damýymen esirtki quraldaryn taratý tásilderi de jetildirildi, endi ınternet zańsyz aınalymnyń negizgi alańyna aınaldy. Esirtkiniń zańsyz aınalymyna jańa qatysýshylardy tartý maqsatynda jumysshylar men mamandardy jaldaý úshin ınternet-resýrstar paıdalanylatyn jaǵdaılar da jıi kezdesedi. Mundaı faktilerdi anyqtaý úshin biz jumysty usynatyn saıttardy óz betimizshe baqylap qana qoımaımyz. Osy oraıda osyndaı qyzmetterdiń tanymal provaıderi – “OLX Group” jaýapkershiligi shekteýli seriktestigimen ózara is-qımyl jasaý jolǵa qoıyldy. Sonyń arqasynda aǵymdaǵy jyly kýrerlik jumys usynystary túrindegi esirtkini “jasyryp ketýshilerdi” jaldaý boıynsha 50 habarlandyrý anyqtalyp, joıyldy. Bul jumys jalǵasýda. Telegram serveriniń qazaqstandyq ákimshisimen de osy baǵyttaǵy másele pysyqtalýda, qazirdiń ózinde esirtkini jasyryn satýmen aınalysqan 440 chat anyqtaldy. Aqparat jáne qoǵamdyq damý mınıstrliginiń “Kıberqadaǵalaý” aqparattyq júıesine qoljetimdilik qamtamasyz etildi. Bul shara keıinnen olardy belgilengen tártippen oqshaýlaý úshin avtomatty rejımde zańsyz kontenti bar ınternet-resýrstardy anyqtaýǵa múmkindik beredi. Aıta ketý kerek, sońǵy úsh jylda osy messendjerde 2318 buzýshylyq anyqtaldy, olarǵa qatysty messendjer ákimshiligine 104 habarlama haty joldandy. Aqparat jáne qoǵamdyq damý mınıstrliginiń derekterine sáıkes, aǵymdaǵy jyldyń eki aıynda ǵana 2316 zańsyz materıal, onyń ishinde telegram-arnalar men telegram-bottar joıyldy, – dedi Esirtki qylmysyna qarsy is-qımyl departamentiniń basqarma bastyǵy Baqytjan Ámirhanov.
Ótken jyly esirtkiniń taralýy týraly aqparatty qamtıtyn 1600-den astam ınternet-resýrs anyqtaldy, olardyń 1200-ge jýyǵy buǵattaldy, qalǵandary boıynsha tıisti jumystar júrgizilýde. Jyl basynan beri 408 ınternet-resýrs buǵattaldy. Tıisti elektrondyq siltemeleri bar 10 myńnan astam graffıtı sýret joıyldy.
Budan basqa, “Bala quqyqtaryn qorǵaý máseleleri boıynsha keıbir zańnamalyq aktilerge ózgerister men tolyqtyrýlar engizý týraly” zań jobasy sheńberinde Qazaqstan aýmaǵynda áleýmettik jeliler men messendjerlerdiń jumys isteý qaǵıdalaryn retteý josparlanýda: olardyń ókildikterin qurý, quqyqqa qaıshy aqparatqa qol jetkizýdi shekteý nemese joıý jónindegi mindetterdi engizý. Bul sharalar ınternet keńistigin osyndaı kontentten tazartýǵa jáne kámeletke tolmaǵan paıdalanýshylardy esirtkini tutynýdy nasıhattaıtyn aqparattan qorǵaýǵa múmkindik beredi. İshki ister mınıstrligi azamattardy qyraǵy bolýǵa shaqyrady.
Jumys sıpatyn teksermeı, saıt ákimshisiniń, kýrerdiń jumysy týraly usynystardy qabyldamaýǵa shaqyrady. Alaıda mundaı “jumys berýshiler” jumystyń zańsyz ekenin birden aıtyp, bolashaq jumysshylardy joǵary jalaqymen jáne kez kelgen ýaqytta tıimdi bıznesten shyǵyp ketý múmkindigimen qyzyqtyrady. Ádette dál osy “esirtki jasyryp ketýshiler” men kýrerler polısıamen ustalyp, sot úkimimen uzaq jyldarǵa bas bostandyǵynan aıyrylyp jatady.