Kásipkerlerge arnalǵan mobıldi qosymsha ázirlendi
Ázirleýshilerdiń aıtýynsha, bul jańashyldyq kásipkerge jeke isin júrgizýdi aıtarlyqtaı jeńildetedi, dep habarlaıdy Almaty-akshamy.kz
Onda búginde memlekettik kirister basqarmasynan alýǵa bolatyn barlyq qyzmet qoljetimdi. Osylaısha kásipkerler salyq eseptiligin memlekettik organdarǵa barmaı-aq tapsyra alady. Qosymshanyń arqasynda bul avtomatty túrde júzege asady. Sondaı-aq bıznesmender salyq organdarynan qajetti anyqtamalar men habarlamalar alyp, olarmen tikeleı málimet almasady. Buǵan qosa mobıldi tuǵyrnama ekinshi deńgeıli banktermen biriktirildi. Budan bylaı paıdalanýshylar salyqtyń ótemin de úıden shyqpaı-aq tóleı alady.
Aıta keteıik, joba Memleket basshysynyń jeke kásipkerler úshin salyq mindettemelerin oryndaý rásimderin jeńildetý týraly tapsyrmasy aıasynda júzege asyryldy.
«Maqsaty – jeke kásipkerdi tirkeýden bastap arnaıy salyq rejımderin tańdaýdan, esep jasaý, kirister júrgizý syndy barlyq jumysty jeńildetý. Budan basqa osy qosymsha kasalyq apparattyń qyzmetimen tolyqtyryldy, ıaǵnı kasalyq túbirtekterdi aǵýǵa bolady. Kásipkerlik qyzmetti toqtatý nemese onyń jumysyn ýaqytsha doǵarý múmkindigi iske asyryldy. Osylaısha kásipkerlikke qatysty qyzmetterdiń barlyq túri qosymsha arqyly júzege asyrylady», - dedi QR Qarjy mınıstrligi memlekettik kirister komıteti tóraǵasynyń orynbasary Jaıdar İńkerbaev.