2024 jylǵy XXXIII jazǵy Olımpıadǵa daıyndaý jospary men jańa ádisteme jobasy tanystyryldy
Dzúdodan jastar jáne jasóspirimder quramalary endi negizgi ulttyq quramamen bir alańda jattyǵatyn bolady, dep habarlaıdy Almaty-akshamy.kz QR Mádenıet jáne sport mınıstrliginiń baspasóz qyzmetine silteme jasap.
Dzúdo boıynsha federasıa men jattyqtyrýshylar shtaby Mádenıet jáne sport mınıstri Dáýren Abaevqa Ulttyq qurama múshelerin aldaǵy halyqaralyq jarystarǵa, onyń ishinde 2024 jylǵy XXXIII jazǵy Olımpıadǵa daıyndaý josparyn jáne jańa ádisteme jobasyn tanystyrdy.
Aldaǵy ýaqytta jas dzúdoshylar negizgi quramamen jáne álemniń úzdik dzúdoshylarymen birlesip oqý-jattyǵý jıyndaryna da qatysatyn bolady. Sonymen qatar, olardy halyqaralyq deńgeıdegi jarystarǵa qatysýǵa irikteý krıterııleri de qaıta qaralady. Bul bolashaq olımpıadashylardy daıarlaý prosesin kúsheıtýge múmkindik beredi.
«Úlken jumys júrgizilip jatyr, kóptegen prosester qaıta qaralyp, ózgeredi. Munyń bári naqty aldaǵy Olımpıada oıyndarynda oń nátıje berýi kerek. Sondyqtan bul máselede biz bárimiz jaýaptymyz», - dedi Dáýren Abaev.