Búginde Qazaqstanda 2024 jylǵy 1 shildeden keıin óndirilgen barlyq dárilik zattar mindetti tańbalaýǵa jatady. Jańa qadaǵalaý tetigi dáriniń zaýyttan bastap dárihanada satylýyna deıingi búkil jolyn qamtıdy.
DSM bul júıeniń is júzinde qalaı jumys isteıtinin túsindiredi
Tańbalaý qandaı aqparatty qamtıdy?
2024 jylǵy 1 shildeden keıin óndirilgen barlyq dárilik zattarda biregeı Data Matrix kody bolýy tıis. Endi árbir satyp alýshy «Naqty Onim» qosymshasy arqyly osy biregeı kodty birneshe sekýndta skanerlep, dáriniń túpnusqalyǵy men zańdylyǵyna kóz jetkize alady. Tańbalaý dári-dármek týraly tolyq aqparatty qamtıdy: ataýy, sany, dozasy, óndirýshisi jáne qozǵalys joly.
Sıfrlyq tańbalaý dárilik zattar aınalymynyń ashyqtyǵyn qamtamasyz etip, jalǵan ónimdermen kúresýge jáne azamattardyń densaýlyǵyna tónetin qaýipterdi azaıtýǵa yqpal etedi.
Dárilerdi kim tańbalaýy kerek?
Óndirýshiler, ımporttaýshylar, dıstrıbútorlar, dárihanalar men medısınalyq uıymdar – dárilik zattar aınalymyna qatysýshylardyń barlyǵy Tanba taýarlardy tańbalaý men qadaǵalaý jónindegi biryńǵaı operator (budan ári – Biryńǵaı operator) júıesinde tirkelýi tıis. Tirkelgennen keıin olarǵa jeke kabınet ashylady, onda tańbalaý kodtarymen jumys júrgizilip, preparatardyń barlyq kezeńdegi qozǵalysy kórsetiledi.
Bul rette, «Qazaqstan Respýblıkasynda ýaqytsha bolatyn sheteldikter men azamattyǵy joq adamdarǵa jeke sáıkestendirý nómirin berý jáne túzetý qaǵıdalary» týraly buıryqqa sáıkes, sheteldik óndirýshiler de otandyq kompanıalarmen teń dárejede tańbalaý júıesinde óz betinshe jumys isteı alady. Budan bólek, sheteldik kompanıa úshin biregeı kodtardy qazaqstandyq ımporttaýshy da tapsyryspen ala alady.
Tańbalaý jáne qadaǵalaý júıesi qalaı jumys isteıdi?
Dárilik zattardy aınalymǵa engizbesten buryn óndirýshi Biryńǵaı operatordan biregeı Data Matrix kodtaryn tapsyryspen alyp, olardy qaptamaǵa japsyrady. Osylaısha dáriler týraly aqparat tańbalaý jáne qadaǵalaý aqparattyq júıesine túsedi.
Dárilik zattardyń aınalymyndaǵy ekinshi býyn – ımporttaýshylar men dıstrıbútorlar bolyp tabylady. Bul kezeńde aınalymnyń qatysýshylary aldyn ala tańbalanǵan preparattardy alady. Eger kod oqylmasa nemese júıede tirkelmese, mundaı preparatty satýǵa nemese paıdalanýǵa ruqsat etilmeıdi.
Qazaqstanda dárilik zattardy tańbalaý tizbeginiń sońǵy kezeńinde dárihanalar men medısınalyq uıymdar tur. Preparattardy sońǵy tutynýshyǵa – satyp alýshyǵa nemese pasıentke dál osy jerde beriledi. Árbir kezeń Biryńǵaı operator júıesinde eseptilikpen birge júredi.
Dárihanalar men medısınalyq uıymdar paıdalanatyn júıeler taýarlardy tańbalaý jáne qadaǵalaý aqparattyq júıesimen biriktirilgen. Preparatty satqannan nemese pasıentke bergennen keıingi aqparat Biryńǵaı operator júıesine jiberilip, dárilik zat aınalymnan shyǵarylady.