Qazaqstanda medısınalyq qatelikterden zardap shekken azamattar densaýlyǵyna kelgen zıan úshin saqtandyrý tólemderin ala alady. Endi medısınalyq uıymdar men jeke dárigerler ózderiniń kásibı qyzmetin saqtandyrýǵa mindetti bolady, dep habarlaıdy aqshamnews.kz.
Medısınalyq qatelik saldarynan keltirilgen zıandy anyqtaý úshin pasıent nemese onyń jaqyn týystary densaýlyq saqtaý sýbektisine aryz berýi tıis. Aldymen táýelsiz sarapshylar komısıasy sheshim qabyldaıdy. Komısıa quramyna sala mamandary, kásibı medısınalyq qaýymdastyqtardyń ókilderi jáne saqtandyrý uıymdarynyń sarapshylary kiredi.
Saqtandyrý tólemderiniń eń tómengi mólsherleri kelesideı bolady: eger pasıentke úshinshi, ekinshi nemese birinshi toptaǵy múgedektik belgilense, tólemder 500, 600 jáne 800 aılyq eseptik kórsetkishke teń, bul shamamen 1,8 mln, 2,2 mln jáne 2,9 mln teńge bolady. Al múgedek balaǵa tólenetin tólem 500 AEK (1,8 mln teńge) quraıdy. Ólim jaǵdaıynda tólem 3 000 AEK (shamamen 11 mln teńge) deıin jetedi. Múgedektik anyqtalmaǵan jaǵdaıda, densaýlyqqa zıan keltirýge baılanysty tólem 300 AEK-ke deıin (1,1 mln teńge) bolady.