Toqaev Qazaqstanda CryptoCity qurylatynyn jarıalady, dep habarlaıdy aqshamnews.kz Aqordaǵa silteme jasap.
Astana halyqaralyq forýmynyń (AIF) plenarlyq otyrysynyń ashylýynda sóz sóılegen Prezıdent Qasym-Jomart Toqaev:
"Biz adam kapıtalyna ınvestısıa salyp, jas mamandardyń qalyptasýyna jaǵdaı jasaımyz. Eń basty mindetimiz – aımaqtar arasyndaǵy alshaqtyqty azaıtý jáne orta tapty nyǵaıtý. Sol sebepti sıfrlyq tehnologıa men jasandy ıntellektiden bastap jasyl energetıka men qosymsha quny joǵary óndiriske deıingi negizgi sektorlardaǵy áleýetimizdi kúsheıte beremiz", - dedi.
Prezıdenttiń aıtýynsha, biz sıfrlyq transformasıada eleýli tabysqa qol jetkizdik. Maqsatymyz – Eýrazıadaǵy jetekshi IT habqa aınalý.
"Ásirese, jasandy ıntellektini damytýǵa aıryqsha mán berip otyrmyz. Birqatar sheteldik ýnıversıtettiń fılıaly bar, zertteý men ázirleý salasyndaǵy seriktestik jolǵa qoıylǵan akademıalyq jáne ınovasıalyq habqa aınalǵymyz keledi. Qazaqstan eń qýatty sýperkompúterdi iske qosýǵa kiristi. Qazirdiń ózinde bul jumys bastalyp ketti. Budan bólek, SryptoCity dep atalatyn jańa pılottyq jobany júzege asyrýdy josparlap otyrmyz. Munda krıptovalútany azyq-túlik satyp alýǵa, qyzmet tólemine jáne basqa da maqsattarda paıdalanýǵa jaǵdaı jasalady", - dedi memleket basshysy.