Onyń jalpy sany 21-ge jetip otyr.
Qazaqstan Úkimeti sapasy tómen joǵarǵy oqý oryndaryn jaýyp jatyr. Osy kúnge deıin 15 JOO jabyldy,taǵy alty ýnıversıtet jabylýy múmkin. Bul týraly Oqý-aǵartý mınıstri Asqat Aımaǵambetov aıtty, dep habarlaıdy Almaty-akshamy.kz.
«Akademıalyq derbestikti keńeıtýmen qatar, jaýapkershiligi tómen ýnıversıtetterdi jaýyp, sapany qamtamasyz ete almaıtyn JOO-lardy qaıta beıindeý boıynsha kúrdeli jumystar júrgizdik. Nátıjesinde 15 JOO jabyldy. Budan bólek, qosymsha 6 oqý ornyn jabýǵa qatysty sheshimimizge shaǵym berilip, ol sotta qaralyp jatyr. Onyń jalpy sany 21-ge jetip otyr. Jabylǵan ýnıversıtetterdiń 100 myńnan astam stýdentin basqa JOO-larǵa aýystyrdyq. 66 ýnıversıtettiń álsiz bilim berý baǵdarlamalary boıynsha 505 lısenzıany keri qaıtaryp aldyq», - dep jazdy mınıstr óziniń Facebook paraqshasynda.
Sonymen qatar ol oqytýdyń álsiz baǵyttary boıynsha lısenzıany qaıtaryp alý úshin taǵy 4 JOO-men sot prosesi júrip jatqanyn aıtty.
«Pedagogıkalyq baǵyttar boıynsha joǵary oqý oryndarynyń sany 85-ten 50-ge deıin qysqardy. Endi oqytýdyń tıisti sapasyn qamtamasyz etetinder ǵana bolashaq muǵalimderdi daıyndaı alady. Zańgerlerdi daıarlaıtyn ýnıversıtetterdiń sany 72-den 61-ge deıin qysqardy», - dedi Asqat Aımaǵambetov.