Úı janýarlarynyń qatysy bar osyndaı oqıǵa saldarynan 33 adamnyń ómiri qıylǵan
«Qazaqavtojol» kompanıasynyń baspasóz qyzmeti málim etkendeı, 2021 jyly ıen júrgen maldy kólik qaǵyp ketýdiń 109 deregi tirkelgen. Odan 139 adam zardap shegip, 30 adam qaza tapty, dep habarlaıdy Almaty-akshamy.kz QazAqparatqa silteme jasap.
«2022 jyldyń birinshi toqsanynda osyndaı 11 jol-kólik oqıǵasy tirkeldi, onda 15 adam túrli dene jaraqattaryn alsa, 3 adam qaıtys boldy», - dedi «Qazaqavtojol» Almaty oblystyq fılıalynyń bas ınjeneri Berik Sarqytbaev.
Onyń aıtýynsha, respýblıkalyq mańyzy bar joldardyń boıynda maldyń jolǵa shyǵýyna kedergi keltiretin 855,331 shaqyrym qorǵanys qorshaý ornatyldy.
«Osy baǵytta respýblıkalyq mańyzy bar joldardaǵy qaýipsizdikti qamtamasyz etý maqsatynda respýblıkalyq aksıa iske qosyldy, onyń sheńberinde seriktestik úı janýarlaryn baqylaýsyz jaıý qaýpi týraly jadynama ázirlep, úı janýarlarynyń ıelerimen jeke kezdesýler men túsindirý jumystaryn júrgizýde. Sondaı-aq, aksıa aıasynda úı janýarlaryna arnalǵan jaryq shaǵylystyratyn lentalar taratylyp berilip jatyr»,- deıdi spıker.
Barlyq quqyqtar qorǵalǵan. inform.kz belsendi siltemeni paıdalanyńyz https://www.inform.kz/kz/kazakstanda-bir-zhylda-uy-zhanuarlarynyn-kesirinen-bolgan-zhol-apatynan-30-adam-olgen_a3932755