Qazaqstan ekonomıkasynyń ósimi 2021 jyly 4,1 paıyz bolǵan.
Prezıdent Úkimettiń, Ulttyq banktiń jáne basqa da memlekettik organdardyń jumysyn kúsheıtý mańyzdy ekenine toqtaldy, dep habarlaıdy Almaty-akshamy.kz
Qasym-Jomart Toqaev 2021 jyly júzege asyrylǵan aqsha-kredıt saıasatynyń qorytyndylary, ınflásıany tejeý jáne qarjylyq turaqtylyqty qamtamasyz etý sharalary, búdjet kirisin arttyrý, Ulttyq banktiń altynvalúta rezervi men Ulttyq qordaǵy aktıvterdiń jaǵdaıy týraly baıandamalardy tyńdady.
Memleket basshysy elimizde qabyldanǵan sharalardyń arqasynda Qazaqstan ekonomıkasynyń ósimi 2021 jyly 4,1 paıyz bolǵanyn atap ótti. Sonymen qatar ınflásıanyń ósimi buryn-sońdy bolmaǵan deńgeıge kóterilgenine nazar aýdaryp, bıylǵy tórt aıdyń qorytyndysy boıynsha 2016 jyldyń qyrkúıeginen beri eń sharyqtaý shegine, ıaǵnı 13,2 paıyzǵa jetkenin aıtty.
Prezıdent atalǵan máselelerdi sheshý úshin Úkimettiń, Ulttyq banktiń jáne basqa da memlekettik organdardyń jumysyn kúsheıtý mańyzdy ekenine toqtaldy. Qasym-Jomart Toqaev ınflásıany belgilengen shekti mejege qaıtarýdyń mańyzdy ekenin atap ótti, sondaı-aq Úkimetke Ulttyq bankpen birlesip, Inflásıa deńgeıin baqylaý jáne tómendetý jónindegi 2022-2024 jyldarǵa arnalǵan keshendi sharalardyń tolyqqandy júzege asyrylýyn qamtamasyz etýdi tapsyrdy.
«Álemdegi qazirgideı kúrdeli kezeńde elimizdiń qarjylyq turaqtylyǵyn qamtamasyz etý óte mańyzdy. Ulttyq bank Qarjy naryǵyn retteý jáne damytý agenttigimen birlesip, aqsha-nesıe saıasatynyń tıimdiligin arttyrýǵa basa mán berýi qajet jáne qarjy sektorynyń áleýetin maqsatty túrde kúsheıtýi kerek», – dedi Qasym-Jomart Toqaev.