QR Mádenıet jáne aqparat mınıstrliginiń qoldaýymen 2024 jylǵy 1 naýryz - Alǵys aıtý kúni, jańa «Birlik ansambli» atty án-bı ujymynyń tusaýkeseri- konsert ótedi.
Shyǵarmashylyq ujym Roza Baǵlanova atyndaǵy «Qazaqkonsert» memlekettik akademıalyq konserttik uıymynyń janynan jandy aspaptyq súıemeldeýmen álem halyqtarynyń bılerin zerdeleıtin jáne kásibı deńgeıde oryndaıtyn halyqaralyq ujymdy qalyptastyrý, óskeleń urpaqty basqa ulttardyń óneri men mádenıetimen tanystyrý, sondaı-aq qoǵam sanasynda mádenı kod retinde kóp ultty Qazaqstan halqynyń birligin nyǵaıtý maqsatynda quryldy.
«Óz isine, ónerine jan-tánimen berilgen daryndy ártisterdiń arqasynda bizdiń baı mádenıetimiz ben tarıhymyz urpaqtan-urpaqqa jalǵasyp, halyqaralyq arenalarda aıqyn kóriniske ıe. Búginde elimizde 25 ansámbl jumys isteıdi.
Qazaqstan men TMD elderi tarıhynda tuńǵysh ret kópultty án men bı ansamblin qurdyq. Ujymnyń biregeı repertýary qazaq halqynyń tarıhymen jáne táýelsiz Qazaqstannyń qalyptasýymen tyǵyz baılanysty 130 etnostyń mýzykalyq murasy men ónerin qamtıdy. Ansámbldiń tusaýkeseri Alǵys aıtý kúnine oraılastyrylǵan. Ansámbl ártúrli halyqtardy biriktiretin birlik pen úılesimniń nyshanyna jáne Qazaqstannyń brendine aınalatynyna senimdimin», - dedi Aıda Balaeva.
«Birlik ansamblin» qurý boıynsha jumys aıasynda kastıng ótkizildi, onda ár alýan ult ókilderi men mýltıınstrýmentalıster arasynan 20 úzdik bıshi men mýzykant tańdaldy.
1 naýryz kúni kópshilik jáne jeke horeografıalyq shyǵarmalar, aspaptyq jáne vokaldyq nómirler oryndalady. Bı nómirlerin jáne biregeı bı kompozısıalaryn qoıý maqsatynda birlesken jumys pen tájirıbe almasý úshin kórnekti sheteldik horeograftar, Reseı, Tatarstan, Ózbekstan jáne Qazaqstannyń eńbek sińirgen qaıratkerleri shaqyryldy.