QR Ádilet mınıstrligi alaıaqtar ózderin ádilet organdarynyń qyzmetkerleri nemese sot oryndaýshylary retinde tanystyryp júrgenin eskertedi.
Olar azamattarǵa habarlasyp, atqarýshylyq qujattardyń talaptaryn oryndaýdy, bank shottaryn buǵattap, júrgizýshi kýáligin toqtata turýmen jáne t. b. túrli joldarmen qorqyta otyryp, bereshekti óteýdi talap etýde, dep habarlaıdy Almaty-akshamy.kz Ádilet mınıstrliniń saıtyna silteme jasap.
Mundaı qońyraýlar kelip túsken jaǵdaıda atqarýshylyq is júrgizýdiń memlekettik avtomattandyrylǵan aqparattyq júıesinde (budan ári – AİJO AAJ) (https://aisoip.adilet.gov.kz/) nemese AIS OIP mobıldi qosymshasy arqyly atqarýshylyq is júrgizýdiń bar nemese joqtyǵyna kóz jetkizý qajettigin eskertedi.
Sonymen qatar, memlekettik jáne jeke sot oryndaýshylarynyń baılanys derekterin siz kelesi siltemelerge ótý arqyly http://www.gov.kz/memleket/entities/adilet/about/structure/105/1?lang=kk, https://aisoip.adilet.gov.kz/forCitizens/departments alýyńyzǵa bolady.
Alaıaqtardyń zańsyz áreketteriniń aldyn alý úshin mınıstrlik tek resmı derek kózderinen alynǵan málimetterge ǵana senýdi jáne derbes derekterdi úshinshi tulǵalarǵa jáne kúmándi ınternet-resýrstarǵa bermeýińizdi eskertedi.
Sonymen qatar, qosymsha aqparat alý úshin mınıstrliktiń quqyqtyq aqparattyq qyzmetine (8 7172 58-00-58) nómiri boıynsha habarlasýǵa bolady.