Bıyl jyl basynda QR-daǵy halyq sany 20 mln adamdy qurady, bul bir jyl burynǵydan 1,3% artyq. Halyq sany birte-birte ósýde, jyl saıyn shamamen 1,3%–1,5%. Tek 2022 jyly karantınnen keıingi bebı-býmda 3,3% kóbeıgen, dep habarlaıdy almaty-akshamy.kz ranking.kz silteme jasap.
Qazaqstandyqtardyń kópshiligi dástúrli túrde elimizdiń ońtústik óńirlerinde — Almaty qalasy (2,2 mln adam, bir jylda 3,1% kóbeıgen), Túrkistan (2,1 mln adam, 1,1% kóbeıgen) jáne Almaty (1,5 mln adam, 1,7% kóbeıgen) oblystarynda turady. Elordada 1,4 mln adam turady, jyldyq ósim 5,6%.
Eń az halyq Ulytaý óńirinde: 221,6 myń adam — bir jyl burynǵydan 0,1% artyq. Odan keıin Soltústik Qazaqstan (530,1 myń adam) jáne Abaı (607,6 myń adam) oblystary.
Eldi meken boıynsha 12,5 mln adam qalalarda (bir jylda 2% kóbeıgen), 7,6 mln adam aýyldarda (0,3% kóbeıgen).Bıyl 29 aqpandaǵy málimet boıynsha, elimizde Qazaqstan esimdi 24 adam tirkelgen.
Qazaqstan atty azamattar eń kóp Aqmola oblysynda turady: 7 adam. Astanada mundaı esimdi taǵy 5 adam, Qaraǵandy oblysynda 4 adam bar. Sonymen qatar, Qazaqstan esimdi 3 adam Qostanaı oblysynda, 2 adam Mańǵystaý oblysynda, 2 adam Shymkent qalasynda, 1 adam Batys Qazaqstan oblysynda turady.Halyq arasynda Qazaqstandaǵy qalalardyń attastary da bar. Máselen, qazaqstandyqtardyń ishinde 24 Astana, 20 Almaty jáne 3 Shymkent bar.
Sonymen qatar, Qazaqstanda Semeı esimdi 27 adam, Atyraý esimdi 15 adam, Túrkistan esimdi 15 adam , Taraz esimdi 14 adam, Aqtaý esimdi 10 adam, Aqtóbe esimdi 1 adam, Taldyqorǵan esimdi 1 adam bar.
Saıası qaıratkerlerdiń de attary kezdesedi. Atap aıtqanda, QR-da 12 Qasym-Jomart, 1 Pýtın, 1 Tramp jáne 8 Baıden turady.Bıyl qańtarda Qazaqstanda eń tanymal esimder Medına men Alıhan boldy. Elimizde 517 Medına men 313 Alıhan boldy.
Qyzdardyń esimderi boıynsha úzdik bestikke Asylym (468 adam), Aısha (436 adam), Aılın (387 adam) jáne Tomırıs (318 adam) kirdi. Ul balalar esimderiniń ishinde eń tanymal bestikke Muhammed (305 adam), Aısultan (238 adam), Mýhammad (231 adam) jáne Aldıar (219 adam) kirdi.