QR Qarjy vıse-mınıstri Erjan Birjanov elimizde kólik salyǵynyń mólsherin qaıta qaraý múmkindigine túsinik berdi, dep habarlaıdy almaty-akshamy.kz.
«Qazir kólikke qatysty jumys toby tıisti talqylaý ótkizdi. Biz bul máseleni «Atameken» ulttyq kásipkerler palatasymen Úkimet deńgeıinde qarastyryp jatyrmyz. Resmı málimdeme jasaýǵa áli erte, óıtkeni sheshim áli túpkilikti qabyldanǵan joq. Biz 20-30 jyl paıdalanylyp kele jatqan eski kólikke qatysty másele kóterip jatyrmyz. Iaǵnı, túzetý koefısıentin qoldanýdy usyndyq, ıaǵnı olarǵa jańa avtomobılge arnalǵan stavka boıynsha salyq salynbaıdy. Sonymen qatar, halyqqa júktemeni azaıtýǵa baǵyttalǵan basqa da usynystar bar. Al eger tym qymbat kólik bolsa, bul rette sán-saltanat salyǵy eskerilmek. Osy arqyly salyq júktemesin qaıta bólý múmkindigi pysyqtalyp jatyr», - dedi E. Birjanov Senattyń jalpy otyrysynan keıin tilshiler suraǵyna jaýap bere otyryp.
Bul turǵyda vıse-mınıstr bul usynystar boıynsha naqty sheshim jasalmaǵanyn atap ótti.
«Búkil usynystar pysyqtalǵannan keıin túpkilikti sheshim qabyldaımyz. Jaqynda jańa Salyq kodeksiniń jobasy tanystyrylady», - dedi ol.