Óńim baǵasy da 5%-ǵa ósken.
Ótken jylmen salystyrǵanda, Qazaqstanda dári-dármek óndirisi ósken, dep habarlaıdy Almaty-akshamy.kz Energyprom.kz caıtyna silteme jasap.
Osy jyldyń alty aıynyń qorytyndysy boıynsha, Qazaqstanda 99,3 mlrd teńgege negizgi farmasevtıkalyq ónim óndirilgen. Bul ótken jylmen salystyrǵanda, 62,6%-ǵa artyq. Naqty ósim 31,1%-dy qurady.
Óndiristiń eń úlken kólemi Qaraǵandy oblysyna tıesili: 40,5 mlrd teńge, bir jylda bul kórsetkish nebary 9,8 mlrd teńgeni quraǵan bolatyn. Esterińizge sala ketsek, dál osy aımaqta, Qaraǵandy qalasynda, Sputnik V vaksınasy shyǵarylady.
Farmasevtıka óndirisiniń úlken kólemi dástúrli túrde Shymkentke (22,5 mlrd.teńge), Almaty oblysyna (18 mlrd.teńge) jáne Almatyǵa (13,4 mlrd.teńge) tıdi.
Anyqtama úshin: tutastaı alǵanda, 2020 jyly farmasevtıkalyq óndiris kólemi birden 47,3% -ǵa, 141,9 mlrd teńgege deıin ósti.
Dári-dármek quny bir jyldyń ishinde 61,1%-ǵa ósti, birinshi jartyjyldyqta 88,7 mlrd teńgege jetti; naqty ósim 53,5% qurady. Ózge de farmasevtıkalyq ónimderdiń óndiris quny 19,9%-ǵa ósip, 5 mlrd teńgege deıin jetti, naqty ósim 26,3% qurady.
Dári-dármektiń ımporty 2021 jyldyń qańtar-mamyrynda 9,7 myń tonnany qurap, bir jyl ishinde 22,2%-ǵa tómendedi. Aqshalaı alǵanda, sektordaǵy ımport 431,9 mln AQSH dollaryna jetti, bul, kerisinshe, ótken jylmen salystyrǵanda 2,2%-ǵa artyq.
Importtyń 42,1% TMD elderine tıesili: 4,1 myń tonna - bir jyl burynǵydan 37,5%-ǵa az. TMD elderiniń ishinde ımporttyń negizgi bóligi Reseı, Ýkraına jáne Belarýssıadan keledi.
Importtyń taǵy 57,9% alys sheteldermen qamtamasyz etilgen: 391,4 mln AQSH dollaryna 5,6 myń tonna, fızıkalyq turǵydan alǵanda jylyna 5,3%. Bul elder arasynda Qytaı, Úndistan jáne Polsha kósh bastap tur.
2021 jyldyń maýsym aıynyń sońynda dári-dármek quny 4,8%-ǵa ósti. Dári bárinen buryn Mańǵystaý oblysynyń turǵyndaryna qymbatqa tústi, bul óńirde bir jylda 18,6% qambattaǵan. Sonymen qatar, farmasevtıkalyq ónimderdiń baǵasy astanada (10,9%) jáne Aqmola oblysynda (10%) aıtarlyqtaı qymbattady.
Elimizde farmasevtıkalyq jáne medısınalyq ónerkásipti damytýdyń 2020-2025 jyldarǵa arnalǵan keshendi jospary júzege asyrylýda, dep habarlaıdy zakon.kz. Jospardy iske asyrý nátıjesinde Qazaqstanda óndiriletin dári-dármek jáne medısınalyq maqsattaǵy buıymdardyń úlesi 17%-dan 50%-ǵa deıin ósýi kerek.
