Shabýyl kezinde ınternetke qol jetkizý qıyndaıdy nemese ol múldem jumysyn toqtatady
Bir aıdyń ishinde 20 mln-ǵa jýyq kıbershabýyl jasalǵan. Bul týraly Almaty-akshamy.kz «Memlekettik tehnıkalyq qyzmet» AQ silteme jasap habarlaıdy.
«Elimizde bolyp jatqan kıbershabýyldarǵa toıtarys berý jumystary jalǵasyp jatyr. Búgingi tańda qaýipterdi azaıtý úshin barlyq jelilik trafıkti taldaý jáne árbir paketti tekserý jumystary júrgizilýde. Kıberqalqan zıandy trafık pen zıandy baǵdarlamalardy súzý arqyly ishki jáne syrtqy perımetrlik shabýyldarǵa tótep berýde. Bir aıdyń ishinde 20 mln-ǵa jýyq kıbershabýylǵa toıtarys berildi», - delingen uıymnyń habarlamasynda.
«Memlekettik tehnıkalyq qyzmettiń» boljamynsha, elimizdiń qaýipsizdik júıesine kıbershabýyldardyń údeýi Qazaqstandaǵy saılaý kezeńiniń bastalýymen baılanysty bolýy múmkin.
DDoS shabýyldary úshin búkil álem boıynsha taralatyn botnet dep atalatyn vırýs juqqan kompúterler men IoT qurylǵylarynyń jelileri qoldanylǵan. Qazirgi ýaqytta Cybershield kúsheıtilgen rejımde jumys isteıdi.
Oqyrmandarǵa túsinikti bolý úshin aıta ketsek, DDoS shabýyly – bul belgili bir ınternet-resýrsqa nemese ınternet segmentine retsiz suranystar túrindegi arnaıy baǵyttalǵan qýatty trafık aǵyny. Shabýyl nátıjesinde Internetke qol jetkizý qıyndaıdy (Internet qyzmetteriniń jumysynda kidiris bolýy múmkin) nemese ol múldem jumysyn toqtatady.