Elimizde 11,3 mln ga astyq jınaldy
Tıisti buıryqqa Aýyl sharýashylyǵy mınıstri Erbol Qarashókeev qol qoıdy. Osylaısha, Qazaqstannyń aýyl sharýashylyǵy taýaryn óndirýshileri bıdaı men undy shetelge shekteýsiz sata alady, dep habarlaıdy Almaty-akshamy.kz.
QR Aýyl sharýashylyǵy mınıstrligi 2022 jylǵy 14 qyrkúıekten bastap bıdaı pen un eksportyna shekteýlerdi alyp tastady.
Aıta ketsek, buǵan deıin Qazaqstannyń azyq-túlik qaýipsizdigin qamtamasyz etý úshin bıdaı men un eksportyna kvota engizý týraly sheshim qabyldanǵan edi. Alaıda, álemdik naryqtaǵy jaǵdaı turaqtanǵannan jáne Qazaqstandaǵy astyq ónimine jasalǵan boljamnyń oń kórsetkishinen keıin engizilgen kvotany alyp tastaý týraly sheshim qabyldandy.
Búginde respýblıkanyń barlyq oblysynda egin jınaý júrip jatyr. Ákimdikterdiń derekterine sáıkes, qazir elimizde 11,3 mln ga astyq jınaldy - bul jospardyń 69,8%. 12 s/ga ortasha ónimdilikte 13,5 mln tonna astyq bastyryldy (2021 jyly bul ýaqytta ortasha ónimdilik 8,9 s/ga quraǵan bolatyn).