«Atameken» palatasy astyq eksportyna tyıym salý qajet dep esepteıdi.
Reseı men Batys elderi arasyndaǵy saýda kıkiljińi otandyq ekonomıkaǵa áserin tıgizip jatyr, dep habarlaıdy Almaty-akshamy.kz.
Búginde kásipkerler «Atameken» palatasyna shaǵymyn kóbeıtken. Olardyń bazynasy oryndy, máseleni sheshý joldary da bar ekenin aıtady ulttyq kásipkerler palatasy. "Qazaqstanda bıdaı baǵasy eki aptada 40 paıyzǵa ósti. Aldyńǵy kezekte un óndirýshiler men qus fabrıkalarynyń kásibi tyǵyryqqa tirelýge shaq tur. Aýyl sharýashylyǵy taýaryn óndirýshiler, sút-taýarly fermalar da astyq baǵasynyń sharyqtaýyna alańdaýly", - deıdi «Atameken» palatasynyń ókilderi.
- Qus fabrıkalary qazirgi kezde mynadaı másele kóterip otyr, bıdaıdyń baǵasy osydan 2 apta buryn 120 teńge bolsa, qazirgi kezde 180 teńgege ósip ketti. Bul problema bizdiń kásipkerlerdi qatty alańdatýda. Reseı 15 naýryzdan bastap qant pen astyq eksportyna tyıym saldy. Shekteý birneshe aıǵa jalǵasady. Mundaı kúrt sheshimnen elimizdiń naýbaıhanashylary shıkizat tapshylyǵyna tap boldy. Eksport máselesin ýaqytsha jabatyn bolsaq, shekteıtin bolsaq, ishki naryqta baǵa túsedi. Búginde Qazaqstan Ortalyq Azıa elderine astyq jetkizip otyr. Biraq dál qazirgi jaǵdaıda oǵan kvota engizý nemese túbegeıli tyıym salý qajet, - deıdi «Atameken» UKP basqarma tóraǵasynyń mindetin atqarýshy Narıman Ábilshaıyqov.