30 naýryz qandaı kún?
Erekshe ári beıresmı mereke bolǵanmen, bul kún búgingideı tańnyń atysynan kesh batqansha jumystan bas ala almaı, qaınap jatqan tirshilikte demalýǵa qoly qalt ete bermeıtinder úshin óte mańyzdy. Saıabaqta serýendeý kúni (Take a Walk in the Park Day) jyl saıyn 30 naýryz kúni atap ótiledi, dep habarlaıdy Almaty-akshamy.kz tilshisi.
Bul kúnniń basty maqsaty –qarapaıym ári úırenshikti bolyp ketkendeı bolyp kórinetin demalys túrine barlyq qala turǵyndarynyń nazaryn aýdartý.
Jasyratyny joq, megapolısterdiń jáne qarapaıym qalalardyń kóptegen turǵyndary taza aýada demalý jáne kúsh pen qýat alý úshin tabıǵatqa nemese qalaǵa únemi barýǵa múmkindigi joq. Qazirgi álemde ómir súretin adamdar úshin obektıvti shyndyǵy - ol ómirdiń óte joǵary qarqynmen damýynda jáne ótip jatqandyǵynda, bul júıke júıesine jáne jalpy densaýlyq jaǵdaıyna áser etpeı qoımaıdy.
Statısıka kórsetkendeı, júıeli túrde qaıtalanatyn kúızelis pen depressıa qalalyq turǵynnyń júıke júıesiniń turaqty sıpattamasyna aınaldy. Biraq kúnine 30 mınýt serýendeý, dárigerlerdiń pikirinshe, densaýlyqqa úlken paıda ákelýi múmkin – tek kalorıalardy azaıtý jáne salmaq joǵaltý turǵysynan ǵana emes, sonymen qatar ımýnıtetti kóterý, semizdik, 2 tıpti qant dıabeti jáne keıbir qaterli isik túrleriniń qaýpin azaıtý. Sondaı-aq, bul júrek belsendiligin arttyrýǵa jáne qan qysymyn tómendetýge kómektesedi.
Brıtandyq dárigerlerdiń pikirinshe, tabıǵat aıasynda ýaqyt ótkizý (sonyń ishinde, saıabaqta) adam aǵzasyn qalpyna keltirýge septigin tıgizedi. Bul áserdi shopıngke nemese kınoǵa barýmen salystyrýǵa kelmeıdi.
Shýly magıstraldar men qalanyń shań-tozańynan árirek ornalasqan saıabaqtarda serýendeý kóńil-kúıdi jaqsartyp, kúızelisti túsiredi. Zertteýler boıynsha, jaıaý júretin nemese jasyl jelek aımaqtarynda serýendeıtin adamdar bulaı jasamaıtyn adamdarǵa qaraǵanda ózderin áldeqaıda baqytty sezinedi eken.
Sol sebepti, densaýlyq pen sergek kóńil-kúıdi qoldaıtyndar qatarynan bolsańyzdar, saıabaqta serýendeýge shyǵyńyzdar! Serýenge shyqpas buryn oǵan daıyndyq retinde aýa raıy boljamyna qaraýdy umytpańyzdar!