Osyǵan deıin elimizde baseındik ınspeksıa qyzmetkerleriniń sany 98 adam bolsa, qazir jalpy shtat sany 242 adamǵa jetti.
Bul respýblıkanyń árbir oblys ortalyǵynda baseındik ınspeksıa bólimderin ashýǵa múmkindik berdi. Bıyl Ulytaý jáne Jetisý oblystary boıynsha baseındik ınspeksıa bólimderi, sondaı-aq Aqtóbe, Batys Qazaqstan, Mańǵystaý jáne Túrkistan oblystaryndaǵy bólimder qosylady, dep habarlaıdy Almaty-akshamy.kz sala mınıstrligine silteme jasap.
Budan bólek, jańa Sý kodeksinde baseındik ınspeksıalarǵa qadaǵalaý fýnksıalaryn berý qarastyrylǵan. Al Kásipkerlik kodeks sý resýrstaryn basqarý organdary jedel den qoıý sharalaryn qabyldaı alatyn normalarmen tolyqtyrylýda.
«Qazaqstannyń sý resýrstaryn qorǵaý máselesi kún tártibinde tur. Sýdyń «qara naryǵyn» joıý jáne onyń paıdalanýyn baqylaýdy qamtamasyz etý úshin biz baseındik ınspeksıalar shtatyn arttyrdyq, sonymen qatar olardyń materıaldyq-tehnıkalyq bazasyn jaqsartýdy josparlap otyrmyz. Bul sharalar bizge múmkindiginshe kóp sý aıdyndaryn qamtýǵa múmkindik beredi», - dedi QR Sý resýrstary jáne ırrıgasıa mınıstri Nurjan Nurjigitov.