1 sharshy metrdiń quny birden 5,5% ósken.
Qazaqstanda ekinshi naryqtaǵy turǵyn úı baǵasy rekordtyq deńgeıde qymbattady. Buǵan Ulttyq statısıka búrosynyń málimetteri dálel, dep habarlaıdy Almaty-akshamy «Habar 24» telearnasyna silteme jasap.
Búro málimetterine sensek, el boıynsha 1 sharshy metrdiń quny birden 5,5 paıyzǵa ósken. Bul – sońǵy 8 jyldaǵy eń joǵary kórsetkish. Sonymen qatar, jańa ǵımarattardaǵy sharshy metrdiń quny 0,4 paıyzǵa qymbattaǵan.
Qalalar boıynsha jeke toqtalar bolsaq, Nur-Sultanda jyljymaıtyn múlik baǵasy 10 paıyzǵa ósken. Munda sharshy metrdiń ortasha baǵasy – 590 myń teńge. Almatyda páterler shamamen 3 paıyzǵa qymbattaǵan. Al Atyraý men Taldyqorǵan qalalarynda baǵa dınamıkasy ózgere qoımaǵan.
Birinshi nesıe búrosynyń sarapshylary bul bıylǵy 20 aqpandaǵy derekter ekendigin eskertedi. Qazirgi ýaqytta Reseı men Ýkraına arasyndaǵy qaqtyǵystar men dollar baǵamynyń ósýi bul derekterde áli kórinis tapqan joq.