Bul kórsetkish tómendeı bastady.
Densaýlyq saqtaý mınıstri Ajar Ǵınıat Májiliste ótken baspasóz máslıhatynda elimizde balalar arasynda koronavırýs juqtyrý jaǵdaılary azaıǵanyn jetkizdi, dep habarlady Almaty-akshamy.kz
«Balalar arasynda koronavırýs juqtyrý jaǵdaılary áli de bar. Desek te, sońǵy aılarda kórsetkish tómendeı bastady. Segiz aıdyń ishinde segiz myńǵa jýyq bala koronavırýstyq ınfeksıamen aýyrdy, búginde syrqattanýshylyqtyń tómendeýi baıqalady», - dedi Ajar Ǵınıat jýrnalıserdiń suraqtaryna jaýap bere otyryp.
Mınıstrdiń aıtýynsha, qazirgi ýaqytta koronavırýs juqtyrǵan 100-den astam naýqas stasıonarlarda emdelip jatyr.
«Negizinen eresekter aýyrady, balalar arasynda maýsymdyq vırýstyq ınfeksıa tarap jatyr. Men bul koronavırýstyq ınfeksıa nemese basqa bir jańa ınfeksıa dep aıta almaımyn. Qazir Qazaqstanda tumaý men paragrıppke daıyndalý, vaksınasıa naýqany men aýrýdyń aldyn alý sharalary júrgizilýde. Kópjyldyq baqylaýlardy esepke alsaq, maýsymdyq syrqattanýshylyq qarasha aıynda kóteriledi», - dep túıindedi Ajar Ǵınıat.