Oǵan qosa basqa da qylmystar sany kemigen.
Almaty qalasynyń polıseıleri 9 aı jumysynyń qorytyndysyn shyǵara otyryp, páter urlyǵy, qalta urlyǵy, kólik salonynan urlyq jáne ınternet-alaıaqtyq derekteriniń tómendeýiniń oń dınamıkasyn atap ótti, dep habarlaıdy Almaty-akshamy.kz Polisia.kz-ke silteme jasap.
Sonymen qatar, aýyr, asa aýyr qylmystar, páter tonaý, kólik salonynan urlaý, qalta urlyǵy, ınternet-alaıaqtyq jáne taǵy da basqa qylmystardy ashý jaqsardy.
Sondaı-aq, zańsyz aınalymnan 129 atys qarýy, onyń ishinde 21 tapansha, 15 kesilgen sholaq myltyq, 75 myltyq, 4 «Kalashnıkov» avtomaty, 98 granata jáne 400-den astam oq-dári tárkilendi. QR QK-niń 262-babyna sáıkes, uıymdasqan qylmystyq topty qurý jáne basqarý derekteri boıynsha 3 qylmystyq is tirkeldi.
Almatyda jyl basynan beri 461 esirtki qylmysy anyqtalsa, onyń 94-i esirtkiniń zańsyz aınalymyna qatysty. Zańsyz aınalymnan 600 kelige jýyq esirtki, onyń ishinde 398 keli marıhýana, 84 keliden astam gashısh, 15 kelige jýyq sıntetıkalyq esirtki jáne 111 keliden astam basqa da esirtki zattary tárkilendi.