Májilistiń jalpy otyrysy dúısenbi kúni ótedi.
14 naýryz Qazaqstannyń bas prokýrory Berik Asylov Májilis otyrysyna qatysyp, depýtattardyń qańtar oqıǵasyn tergeýge qatysty suraqtaryna jaýap beredi, dep habarlaıdy Almaty-akshamy.kz
Búgin ótken Búro otyrysynda 14 naýryzda ótetin jalpy otyrystyń kún tártibi jobasy naqtylandy.
«Aldaǵy jalpy otyrystyń kún tártibi jobasyna «Jańa Qazaqstan» depýtattyq tobynyń saýalyna Bas prokýrordyń aýyzsha jaýaby týraly másele engizildi», - delingen habarlamada.
Buǵan deıin Májilistegi «Jańa Qazaqstan» tobynyń músheleri memlekettik organ basshylarynan qańtardaǵy jappaı tártipsizdikterge qatysty halyqtyń kókeıinde júrgen saýaldarǵa ashyq jaýap berýdi talap etti. Depýtattardyń aıtýynsha, qańtar oqıǵasynan keıin eki aı ótse de, qazaqstandyqtar negizgi suraqtarǵa jaýap ala almaı otyr.