Qazaqstanda avtovokzaldarǵa, avtostansıalarǵa jáne jolaýshylar tasymalyna qoıylatyn talaptar belgilendi, dep habarlaıdy aqshamnews.kz
QR SIM Tehnıkalyq retteý jáne metrologıa komıteti Ulttyq standarttardy bekitti:
– QR ST 2271-2020 «Saparjaılardyń, avtostansıalardyń jáne jolaýshylarǵa qyzmet kórsetý pýnktteriniń qyzmetteri»;
– QR ST 2272-2020 «Taksımen tasymaldaý boıynsha avtokólik qyzmetteri. Jalpy talaptar»;
– QR ST 2273-2020 «Turaqty jáne turaqty emes jolaýshy tasymaldary boıynsha avtokólik qyzmetteri. Jalpy talaptar»;
Standarttardy Qazaqstan Respýblıkasy Kólik mınıstrliginiń bastamasymen «Qazaqstan standarttaý jáne metrologıa ınstıtýty» ázirledi.
QR ST 2271-2024 «Saparjaılardyń, avtostansıalardyń jáne jolaýshylarǵa qyzmet kórsetý pýnktteriniń qyzmetteri» ulttyq standartyna sáıkes:
- avtovokzaldar men avtostansıalar avtomobıl tasymaldaýshylarymen, onyń ishinde avtotasymaldaýshylar Palatasynyń múshelerimen shart bolǵan kezde avtobýstardy reıs aldyndaǵy tehnıkalyq tekserýdi uıymdastyr tıis.
- avtovokzaldarda avtobýs júrgizýshileriniń ekıpajdarynyń uzaq (túngi) demalysyn uıymdastyrýǵa arnalǵan úı-jaılar bolýy tıis jáne t.b.
QR ST 2272-2024 jańa standartqa sáıkes «Taksımen tasymaldaý boıynsha avtokólik qyzmetteri. Jalpy talaptar» avtomobıl tasymaldaýshylar Palatasynyń erejeleri men standarttar talaptaryna sáıkes jabdyqtalǵan jeńil serıaly avtomobıldermen júzege asyrylady. Sondaı-aq múgedektigi bar adamdar úshin taksı tasymaldarynyń qoljetimdiligi, onyń ishinde múgedektigi bar adamdardy tasymaldaýǵa arnalǵan arnaıy túrlendirilgen avtomobılder, qajetti ahýaldyq kómek kórsetý, bagajdy tıeý jáne túsirý, sondaı-aq múgedektigi bar adamdardyń tynys-tirshiligin jáne júrip-turýyn qamtamasyz etýge arnalǵan jabdyqtar jáne basqa da jaǵdaılar kórsetilgen.
QR ST 2273-2024 «Turaqty jáne turaqty emes jolaýshy tasymaldary boıynsha avtokólik qyzmetteri. Jalpy talaptar» tasymaldaýshyǵa, sondaı-aq kólik quralyn daıyndaýshynyń tehnıkalyq qujattamasynyń talaptaryna, «Dońǵalaqty kólik quraldarynyń qaýipsizdigi týraly» tehnıkalyq reglamentine jáne QR ST 41.36, QR ST 41.52 ulttyq standarttaryna sáıkes keletin avtobýstarǵa qoıylatyn talaptardy belgileıdi, sondaı-aq shuǵyl jedel qyzmetterdi shaqyrý qurylǵysymen jınaqtalady.
Bul ózgerister Qazaqstandaǵy jol qozǵalysynyń barlyq qatysýshylary úshin joǵary deńgeıdegi jaılylyq pen qaýipsizdikti qalyptastyrýǵa baǵyttalǵan.