Ulttyq bank qazaqstandyqtardyń 1996-2013 jyldary shyǵarylǵan AQSH dollaryn banktik jáne banktik emes aıyrbastaý pýnkteriniń qabyldamaýyna qatysty jıi shaǵymdanýyna túsinikteme berdi, dep habarlaıdy aqshamnews.kz
UBK bul banknottardyń zańdy tólem quraly bolyp tabylatynyn jáne olardyń túpnusqalyǵyn jáne zaqymdanbaýyn rastaı otyryp, Qazaqstandaǵy aıyrbastaý pýnkterinde komısıasyz qabyldanýy tıis ekenin eske saldy.
«Komısıa tek aıyrbastaýǵa usynylǵan banknottardyń jaramsyz nemese aınalymǵa jaramsyz dep tanylǵan jaǵdaıda ǵana aıyrbastaý pýnkteri arqyly belgilenýi múmkin», — dep naqtylady Ulttyq bank.
Eger aıyrbastaý pýnkti komısıa alsa nemese aıyrbastaýdan bas tartsa, sol aıyrbastaý ornynyń ornalasqan jeri boıynsha UBK-nyń aýmaqtyq fılıalyna shaǵymdanýǵa bolady.
«Shaǵymda tıisti sharalardy qabyldaý úshin bar qujattardy qosymsha usyna otyryp, aqparat kórsetý qajet»,— dep keńes beredi Ulttyq bank.
Fılıaldardyń baılanys derekteri UBK-nyń saıtynda jarıalanǵan.