Avtokólik satyp alý kezinde mámilelerdi notarıýstan rastaý qaıtadan mindetteldi, dep habarlaıdy almaty-akshamy.kz QR İİM-ge silteme jasap. Bul týraly SQO PD ákimshilik basqarmasynyń bastyǵy Serik Áljanov avtokólikti tirkeýdiń jańa normalaryn túsindirý barysynda málimdedi.
Zańnamalyq ózgerister kóliktiń jekelegen túrlerin tirkeýge jáne júrgizýshilerdi daıarlaýǵa qatysty boldy. Respýblıka boıynsha "A" jáne "V" sanattaryndaǵy kólik quraldarynyń qatysýymen bolǵan apattardyń jıileýine baılanysty, endi avtomektepterde tolyq oqý kýrsynan ótý talap etiledi.
Qazaqstandyqtardyń ótinishi boıynsha joǵary suranystyń memlekettik nómirin qaıta berý prosesi ońaılatyldy. Sonymen qatar, mundaı nómirlerdi jaqyn týystaryna qaıta resimdeýge múmkindik berildi.
"Jalpy, bastapqy tirkeý prosesi memlekettik organdardyń derekqorlaryn paıdalaný esebinen jeńildetildi. Eń bastysy: avtomobılderdi satyp alý-satý kezinde alaıaqtyqtan qorǵaý úshin mámilelerdi notarıaldy kýálandyrý talaby qaıtaryldy. Sondaı-aq, krımınalıserdiń kólikti alǵashqy tirkeý kezinde nemese shanaqty aýystyrǵan, qaıta jabdyqtaǵan jáne kólik quralynyń túsi ózgergen jaǵdaıda mindetti túrde tekserýi engiziledi. Bul satyp alýshylardy urlanǵan nemese aýyrtpalyǵy bar múlikti satyp alý qaýpinen qorǵaýǵa tıis", – dep túsindirdi Serik Áljanov.
Bul ózgerister avtokólik satyp alý prosesin qaýipsiz ári senimdi etý maqsatynda engizilip otyr.