Almatyda aýla tazartý máselesi boıynsha qaıda júginýge bolady?
Barlyq aýdanda merdigerlerdi anyqtaý jáne qalanyń aýla aýmaǵyn jınaý boıynsha sharttar jasasý jónindegi konkýrstyq rásimder aıaqtaldy, dep habarlaıdy almaty-akshamy.kz.
Buryn habarlanǵandaı, 2023 jyly 1 qańtardan bastap ókilettikterdi ortalyqsyzdandyrý aıasynda Almatydaǵy úıishilik aýmaqtardy jınaýǵa arnalǵan búdjet aýdandyq ákimdikterge berildi. Bul PIK kópqabatty turǵyn úıdiń aýlasyn múlde nemese sapasyz tazalaýyna baılanysty turǵyndar tarapynan shaǵymnyń kóptiginen keıin qabyldanǵan sheshim.
Bul rette, júrgiziletin jumystyń sapasyn arttyrý maqsatynda merdiger uıymdarmen shart birden 3 jylǵa jasalady. Jalpy, bıyl 4064 aýlany tazalaýǵa 10,5 mlrd teńge bólindi.
Aýmaqtaǵy ýchaskeniń tazalyǵyn saqtaý, qala turǵyndary men qonaqtarynyń eskertýlerdi joıý jónindegi ótinishine ýaqytyly jaýap berý – merdigerlik uıymnyń mindeti.
Aýdandyq ákimdik komýnaldyq sharýashylyq bóliminiń qyzmetkerleri kún saıyn júrgizilip jatqan jumystarǵa monıtorıń júrgizip, aýdan turǵyndarynyń ótinishin qaraý boıynsha baqylaý júrgizedi.
Aýla tazalaýdyń sapasy máselesi boıynsha aýdan ákimdikteriniń telegram chatyna júginýge nemese myna telefon arqyly aqparat alýǵa bolady:
