Aýylsharýashylyq tehnıkasyn jasaý ekonomıkanyń qarqyndy kórsetkishiniń biri bolyp tabylady
Elimizde aýylsharýashylyq tehnıkasyn qurastyrý kólemi artty, dep habarlaıdy Almaty-akshamy.kz Qazaqtv.com saıtyna silteme jasap.
Qazaqstanda mashına jasaý isiniń áleýeti artyp keledi. Elimizde dál osy sala ekonomıkalyq kórsetkishter boıynsha kósh bastap tur.
Ásirese, otandyq aýylsharýashylyq tehnıkasyn shyǵarý qarqyn ala túsken. Ósim 300% qurap otyr.
Bul jóninde alǵashqy halyqaralyq kórmede belgili boldy. Ol qazaqstandyq mashına qurastyrýshylardyń 9-shy forýmy aıasynda elordada ótip jatyr.
«Bir alańda birneshe baǵyttyń qamtylǵany qýantyp otyr. Bul jerde óndirýshiler, ınvestorlar, atqarýshy bılik ókilderi jınalǵan. Barlyǵymyz birlesip sheshimin kútken ortaq kúrmeýli máselelerdiń túıinin tarqatamyz. Bul shynymen de solaı», - dedi Belarýstegi stanok shyǵaratyn kompanıanyń ókili Lılıa Lýkoıanova.