Eńbekaqy tóleýdiń júıeli tásilderin daıyndaý boıynsha jumys júrgizip keledi.
Áskerı qyzmetshilerge eńbekaqy tóleýdiń júıeli tásilderi ázirlenip jatyr. Bul jaıynda Senat depýtattarynyń saýalyna Premer-Mınıstr Álıhan Smaıylovtyń jaýabynda aıtylǵan, dep habarlaıdy Almaty-akshamy.kz QazAqparatqa silteme jasap.
«Úkimet Qarýly Kúshterdiń serjanttar men qatardaǵy jaýyngerler quramy áskerı qyzmetshileri laýazymdarynyń tarıftik sanattaryn olardy Qarýly Kúshter mekemeleriniń shtattaryna tıisti ózgerister engize otyryp, úsh razrádqa arttyrý jolymen kóterý máselesin pysyqtap jatyr. Odan basqa, Úkimet memlekettik qyzmetshilerge eńbekaqy tóleýdiń jańa júıesimen uqsas faktorlyq-baldyq shákil qaǵıdattaryn engizý bóliginde arnaýly jáne quqyq qorǵaý organdarynyń qyzmetkerlerine, Qarýly Kúshterdiń, basqa da áskerler men áskerı quralymdardyń áskerı qyzmetshilerine eńbekaqy tóleýdiń júıeli tásilderin daıyndaý boıynsha jumys júrgizip keledi», - dep atap ótedi Álıhan Smaıylov jaýabynda.
Sonymen qatar, Úkimet basshysy áskerı jáne azamattyq dárigerlerdiń jalaqysyn teńestirýge qatysty jumys júrgizilip jatqanyna toqtalady.
«Áskerı dárigerler men azamattyq densaýlyq saqtaý uıymdary qyzmetkerleriniń eńbegine aqy tóleýdegi teńgerimsizdikti boldyrmaý maqsatynda Úkimet áskerı dárigerlerdiń aqshalaı úlesin azamattyq medısınalyq mekemeler qyzmetkerleriniń jalaqysy deńgeıine deıin arttyrý máselesin pysyqtap jatyr», - dedi Premer-Mınıstr.