Endí bízde shamamen 150-160 myń adam zeınetke shyǵady.
Búgíngí tańda Qazaqstandaǵy zeınetkerlerdíń sany 2,2 mln adamdy qūraıdy. Būl turaly Eńbek jáne halyqty áleumettík qorǵau mınıstrí Tamara Dúısenova aıtty, dep habarlaıdy Almaty-akshamy.kz QazAqparatqa sílteme jasap.
Eńbek mınıstrí 2028 jyldan bastap Qazaqstanda qansha zeınetker bolady degen sūraqqa jauap berdí.
«Jyl saıyn bízde 120 myńǵa juyq adam zeınetke shyǵady, olardyń shamamen 50%-y - áıelder. Endí bízde shamamen 150-160 myń adam zeınetke shyǵady. Qazírgí uaqytta 2,2 mıllıon zeınetker bar, al 2028 jyldan bastap 2,5-2,6 mıllıon adam bolady. Jalpy, zeınetkerlík jasqa jetkender esebínen jáne 61 jasqa deıíngí zeınetkerlík jasyn toqtatqan adamdar esebínen 400 myń adamǵa kóbeıetín bolady», - dedí Tamara Dúısenova Úkímet kuluarynda tílshílerge bergen sūhbatynda.
Aıta keteıík, keshe Memleket basshysy «Qazaqstan Respublıkasynyń keıbír zańnamalyq aktíleríne memlekettík jastar sayasaty jáne áleumettík qamsyzdandyru máselelerí boıynsha ózgeríster men tolyqtyrular engízu turaly» Qazaqstan Respublıkasynyń zańyna qol qoıdy.
Qūjatqa sáıkes, 2023 jyldan 2028 jylǵa deıín áıelderdíń zeınetkerlík jasyn arttyru 61 jas deńgeıínde uaqytsha toqtatylady.